تعالي هجيبلك شيبسي ولوليتا.. ننشر التحقيقات في واقعة تحرش صاحب سوبر ماركت بطفلة بروض الفرج | خاص
كشفت التحقيقات والتحريات تفاصيل مثيرة في واقعة اعتداء صاحب محل سوبر ماركت على طفلة والتحرش بها عن طريق ملامسة جسدها وتقبيلها عنوة من الفم والخد، وذلك بعد استدراجها إلى داخل المحل بإعطائها بعض الحلوى، لتعود الطفلة بعد ذلك إلى منزلها وتخبر أسرتها لتحرر محضرا ضد صاحب المحل.
صاحب سوبر ماركت يتحرش بطفلة
حصل القاهرة 24 على نص التحقيقات في واقعة قيام صاحب سوبر ماركت بالتحرش بطفلة وملامسة أماكن حساسة، وتم تحرير محضر ضدة برقم 3255لسنه 2022 جنح روض الفرج.
وقالت الطفلة امام جهات التحقيق: اللي حصل إن أنا كنت رايحة أشتري شيبسي من السوبر ماركت اللي جنب البيت بشوية، ودخلت المحل وقولت لعمو عايزه شيبسي، قال لي ادخلي المحل أعزمك على حاجة، وقام مسكني من ايدي ودخلني جوه المحل على جنب، وراح حط إيده عليا في أماكن حساسة وباسني وحضني، وهو بيعمل كده واحد دخل المحل لكن ماشفش حاجة عشان كنا في حتة من ظاهرة في الجنب، وراح سايبني بسرعة، وطلع للراجل ومشاه وبعد كدة دخل فضل يكمل اللي كان يعمله معايا، وحاولت أجري بس كان ماسكني جامد وانا خايفة منه.
وأضافت الطفلة: صاحب السوبر ماركت فضل يقول لي هاعزمك على شيبسي أو لوليتا، قولت له مش عايزة حاجة وعرفت أجري منه، ورحت على ماما علشان أقولها على اللي حصل، فراحت ماما راحت على المحل تتكلم مع الراجل وقعد يزعق مع ماما، وقالها بنتك سرقت کیس شيبسي، فقامت ماما مصوتة والناس اتلمت على الراجل ومسكوا فيه، وراحت مكلمة بابا وبعدين بابا جه واتخانق معاه ومسك فيه، وبعدين البوليس جه وقبض على صاحب السوبر ماركت.
