عفاف شعيب عن تريند الزوجة مش ملزمة: الله يسامحهم ناس بتخرب البيوت
علقت الفنانة عفاف شعيب على انتقاد العديد من المشاهير اهتمام المرأة بزوجها ومنزلها، منتقدة تريند الزوجة مش ملزمة بحقوق تجاه زوجها والذي أثار جدلا واسعا خلال الأيام القليلة الماضية.
وقالت عفاف شعيب في تصريحات تلفزيونية: الله يسامحكم كده بتخربوا البيوت، إيه الكلام الفاضي ده ويا جماعة عيب، اللي بيتكلموا دول دارسين إيه؟ فهموا دينهم كويس؟ المرأة ليها حقوق والراجل له حقوق، سبحوا وهتقوموا تلاقي الملائكة شيلاكوا وبتساعدكوا.
وأضافت عفاف شعيب: قعدت مع أمي 3 سنين في أمريكا أنا اللي بخدمها، هناك مفيش خدامة مقيمة، بيجوا كام ساعة بس، والساعة بتاعت الخدم غالية والعلاج كان غالي ساعتها، كنت أنا اللي بنضف وبكوي وأغسل وكنت ماشية بتسابيح ربنا مكنتش بحس بحاجة أبدا.
وأشارت عفاف شعيب إلى أن ذلك التريند ما هو إلا أجندة وخطة يتم تنفيذها لمصالح الغرب.
وتابعت عفاف شعيب: نسب الطلاق عالية عشان مفيش حد يوجههم والبرامج الدينية انقرضت تماما، الأول كنا بنسمع الشيخ الشعراوي وجاد الحق ومحمد الغزالي، عندنا أزمة اخلاق ودين للأسف، ارجعوا لرشدكم وكتاب الله وسنة الرسول الحبيب.
آخر أعمال عفاف شعيب
يعد مشاركة عفاف شعيب في مسلسل زي القمر هو آخر أعمالها الفنية، حيث شاركت في حكايتي واحد في الميه، وحكاية مريم في 2021.
