فريدة سيف النصر: كل ما أتنفس أو أتصور أبقى تريند؟.. ده فيه ناس أحلى وأصغر مِنِّي
ردّت الفنانة فريدة سيف النصر على الهجوم التي تعرضت له بعد نشرها مقطع فيديو بلون شعرها الجديد، وأصبحت حديث السوشيال ميديا.
وكتبت فريدة سيف النصر على حسابها الرسمي بـ فيس بوك منشورًا، قائلة: هو في ايه بجد ايه، الخيبه اللي أنا فيها دي، كل ما أتنفس ولا أتصور ولا اتكلم ابقي تريند وحديث المدينة، ليه خير إن شاء الله.
وأضافت فريدة سيف النصر: محسيسني أني لسه صغنونة نوغه، وأني مثلا نزلت صوره كلي بلبس مثلا ملفت مش قاطعة لكم راسي وبس مالكم بجد، وجرايد ورقية محترمة ومواقع برضة كبيرة هو ما فيش غيري، في ناس أحلى وأصغر وأهم عندهم يرغوا فيه.
واستكملت فريدة حديثها: هاتحرموني أكون ذوق وأدي أخبار أو أرد على صحفيين خالص، وللعلم مابحبش أصد حد أو التعالي بالذات الشباب الجديد يكون جزائي عكس الكلام واخد عناوين فرقعه علشان التريند.
واختتمت فريدة سيف النصر: الأمانة والمهنية أهم من مصطلحات السوشيال ميديا الجديدة دي، وعموما كده عيب لأي حد احترمته رغم صغر السن والحداثة في المهنة، ورديت وحبيت أسانده والنتيجة علشان فرقعة تخسرني ماشي ألف شكر ومش هرد تاني مع اعتذاري للجميع.
آخر أعمال فريدة سيف النصر
شاركت فريدة سيف النصر في مسلسل رانيا وسكينة، الذي عرض في السباق الرمضاني 2023، والعمل كان من بطولة روبي، مي عمر، أحمد خالد صالح، وعدد آخر من الفنانين، والمسلسل كان من تأليف محمد صلاح العزب وإخراج شيرين عادل.
