رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

مصطفى كامل: سعيد الأرتيست لم يهاجم هاني شاكر.. وبهاء سلطان طلع على إيدي

مصطفى كامل
فن
مصطفى كامل
الجمعة 23/سبتمبر/2022 - 12:49 ص

تحدث الفنان مصطفى كامل عن أزمة الفنان هاني شاكر بعد استقالته كنقيب للموسيقيين، بجانب الكشف عن أزمة الفنان بهاء سلطان مع المنتج نصر محروس.

وقال مصطفى كامل خلال لقائه ضمن برنامج حبر سري: العازف سعيد الأرتيست مهاجمش هاني شاكر، وبدأ يتقال إن فيه شبوهات وكلنا عارفينها، وكلمني وقالي أنا ماليش دعوة، واتعمل المؤتمر وسعيد سأل عن كارنيه المطرب حسن شاكوش إنه اتعمل قبلها بـ 5 أيام، خاصة إنه أستاذ هاني شاكر قال طول ما هو موجود مش هيغني.

وتابع كامل: الكارنيه اتعمل وهاني شاكر كان مسافر، وسعيد الارتيست سأل عن الشبهة، وفيه شبهة ومعروفة، وكل حاجة هتتكشف الأيام اللي جاية، لكن اللي حصل والهجوم غير العادي ده، هما اللي استندوا في وقف الولد إنه أهان شعبة العازفين، يكفيني أعرف إن وكيل النقابة كان واخد الختم من أستاذ هاني، أنا رايح أدير مكان يا أراعي ربنا فيه وعقلي بيدير المكان يا أسيبه.

بهاء سلطان

وعن الفنان بهاء سلطان، أوضح مصطفى كامل: بهاء  زي ما كل مصر عارفة هو أخويا الصغير وطلع على إيدي، تقريبا وقفت كل شغل النجوم اللي كنت بشتغل لها وكنت بقول أنا بطلع جورج وسوف مصر، وأكبر كمان.

وأضاف مصطفى كامل: نصر محروس أهم حاجة عنده زي أي منتج أهم حاجة عنده الربحية، وهو شاطر وذكي وتجاري جدًا، وفضل داير مع بهاء بنفس الشكل اللي دار بيه مع شيرين.

واختتم كامل: في يوم اتصل بيا نصر محروس وبهاء سلطان، قولت لهم لو جيتوا النقابة هتدخلوا محكمة أمن الدولة، خلوني زي ما أنا يا نصر جبتلك بهاء وقُلت لك أنا هدعمك في أي حاجة خليني أحلها معاكم ودي، لإن لو جتولي النقابة أنا معرفش أبويا، وبهاء ضر نفسه لأنه غريق، والاتنين خسروا حتى بعد ما سابوا بعض.

تابع مواقعنا