رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

مصطفى كامل: هكنس الفساد بالمقشة.. والناس بتدفعني لمنصب نقيب الموسيقيين لأني شريف وقوي

مصطفى كامل
فن
مصطفى كامل
السبت 24/سبتمبر/2022 - 12:34 ص

كشف الفنان مصطفى كامل، أول القرارات التي سيتخذها إذا نجح في انتخابات نقابة المهن الموسيقية، وتولى منصب النقيب، مؤكدًا أن جمهوره دفعه للترشح لمنصب نقيب الموسيقيين.

وقال مصطفى كامل، في تصريحات تلفزيونية: أول قرار هاخده لو وصلت لمنصب النقيب هكنس الفساد بالمقشة، وعشم الناس فيا إني أقضي على الفساد وعندي إثباتات مُسجلة.

وتابع: الناس اللي بتدفعني للمنصب وأنا اللي متردد شوية، وأنا بقالي فترة في حياتي عمومًا واخد قرار إني أكون مع فني وبيتي وكفاية عليا جدًا، والحمد لله لو المنصب ده له من البريق ما يؤهله، وأنا عارف إن له مشاكل أكتر وأنا داخل على معركة واللي مخليني بستجيب لنداء الناس إنها معركة شريفة، والحمد لله الدافع اللي بيدفعوه بيا تحت ستار إن مصطفى كامل راجل قوي وشريف.

كما تطرق الفنان مصطفى كامل، للحديث عن والديه قائلًا: أنا بجد طول عمري زي ما يكون كُتب عليا أكون أكبر من سني، والدي توفى وأنا عندي 26 سنة وهو كان تعبان من قبلها بـ 5 سنين، وكنت لسة ناجح في المجال بقالي سنة أو سنتين، وكنت شايل أمي وأبويا، كان ممكن لو موجود يشيل عني شوية، والحمد لله هو ميت في حضني، وأنا فعلًا بفكر كتير جدًا، ومش راحم نفسي في التفكير.

مصطفى كامل

وترشح الفنان مصطفى كامل، بشكل رسمي لمنصب نقيب المهن الموسيقية، ومن المقرر أن يُسدل الستار عن القائمة الكاملة لأسماء المرشحين على مقعد النقيب، يوم الأربعاء الموافق 28 سبتمبر الجاري.

تابع مواقعنا