أول تعليق من البلوجر إسراء بهاء بعد اتهامها بالنصب على الفتيات
ردت البلوجر إسراء بهاء، على الفتاة التي اتهمتها بالعمل في شركة منتجات تجميل تنصب على الفتيات وتحصد منهم أموالا ولا تعيدها إليهم.
أول رد من البلوجر إسراء بهاء
وقالت إسراء في تصريحات خاصة لـ القاهرة 24: إنه تم اتخاذ إجراءات قانونية ضد هذه الفتاة، مؤكدة أن الشركة رفعت عليها دعوى تشهير، وبعد أيام معدودة ستقدم اعتذارا رسميًا للشركة، مع توقيع غرامة عليها، حسب ما ذكرت البلوجر.
ونفت إسراء كل الاتهامات المتداولة، قائلة: كل ما تم تداولته غير صحيح بالمرة، وهي مسألة وقت والاعتذار الرسمي هينزل على نفس الأكونت بس بإجراء من النيابة، مضيفة: مش صحيح أننا خدنا منها فلوس ومرجعنهاش.
فتاة تتهم شركة منتجات تجميل بالنصب
في وقت سابق، اتهمت فتاة تدعى شمس عصام، إحدى شركات العناية بالبشرة باستقطاب الطلاب وحديثي التخرج، للقيام بعمليات نصب كبرى عليهم.
وزعمت الفتاة في منشور لها أن الشركة تطلب أموالا من الشخص المنضم إليها، من أجل تكوين فريق لتسويق المنتج، مدعية أن المنتج موجود ولكن الشركة لم توفره من الأساس، وأن عمل الشركة كله قائم على النصب.
وقالت شمس في تصريحات سابقة لـ القاهرة 24: لما عرفت إنهم نصابين، جبتها لهم بطريقة غير مباشرة إني عايزة فلوسي، فقلت لهم: إنتوا كنتوا مبلغيني إني معايا 30 يوم استرد فيها فلوسي اللي هما 6 آلاف جنيه، قالوا لا طبعا مفيش استرداد فلوس.
وأضافت شمس: قلت للمسئول إني حصلت لي مشاكل في البيت ووالدتي طلبت الفلوس، قالي هاتي حاجة قسط وبيعها وسددي فلوس والدتك، فرفضت، ومرضيش يديني الفلوس وقالي إني عضو في الشركة ووقت ما أحب أرجع الباب مفتوح، وغير كده مليش فلوس
وتابعت: في البداية عملوا لي غسيل مخ عشان أوافق، وقعدوا يقولوا لي إحنا شركة مختلفة، وده أوفر ولازم تدفعي النهاردة، حتى ادفعي في فودافون كاش، لأن من بكرة الباقة هتصل إلى 12 ألف جنيه، وديه فرصة مش هتتعوض، ونزلت دفعت في فودافون كاش من غير أي إثبات خالص.
