رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

إصابة الطفلة سيلين مريضة ضمور العضلات بضعف عام ونقص حاد في كرات الدم البيضاء

الطفلة سيلين
صحة وطب
الطفلة سيلين
الثلاثاء 27/سبتمبر/2022 - 08:02 م

أعلن المسئولون عن حملة التبرعات للطفلة سيلين أيمن، مريضة ضمور العضلات، تدهور حالتها الصحية؛ إثر إصابتها بضعف عام، بسبب تأخر تلقيها حقنة العلاج.

إصابة الطفلة سيلين بضعف عام

وكتبت الصفحة المسئولة عن حملة التبرعات: النهاردة كلام الدكاترة إن سيلين بقى عندها ضعف عام، وضعف في المناعة، ونقص حاد في كرات الدم البيضاء، وقلة تغذية؛ عشان عندها صعوبة في البلع ومشاكل في التنفس وعياط متواصل في العلاج الطبيعي والتحاليل والفحوصات، وده كله بسبب تأخرها في الحقن لحد دلوقتي.

وأضافت الصفحة: سيلين بتعيط كتير لأنها مش فاهمة اللي بيحصلها، ومش عارفة هي ليه مش زي باقي الأطفال اللي حواليها بتلعب وتتحرك وتاكل بشكل طبيعي، والدكاترة كان عندهم أمل إنها بالكتير سنة وشهر تكون واخدة الحقنة، ومعدش في وقت تستنى.

إصابة الطفلة سيلين بضعف عام

وتابعت الصفحة: سيلين تعبت خلاص وهي كل يوم في جلسات علاج وشكشكة إبر، وعينات ومجهود وجسمها بيضعف كل يوم عن اليوم اللي قبله.

سيلين تحتاج للحقنة في أسرع وقت

وكتب المسئولون عن حملة التبرعات في وقت سابق: الحمد لله وصلنا نص المشوار بيكم وهنكمل برضه بيكم، بس سيلين لازم خلاص تاخد الحقنة في أسرع وقت، ده كلام كل الدكاترة المتابعين للحالة.

وقالت رضوى حمدي، والدة الطفلة سيلين، عبر صفحتها الشخصية بموقع التواصل الاجتماعي فيسبوك: والله مالناش أمل غير فيكم بعد ربنا والله تعبنا مفيش في إيدينا حاجة أرجوكم ساعدوها.

تابع مواقعنا