مصطفى كامل: هنضّف الموسيقيين من الفاسدين ومفيش هزار في التصاريح
كشف الفنان مصطفى كامل عن طموحاته في نقابة المهن الموسيقية والقرارات التي يرغب في تنفيذها، وذلك بعدما حصد أعلى نسبه تصويت على منصب نقيب الموسيقيين.
وقال مصطفى كامل لـ القاهرة 24: لو ربنا أداني العمر هخلي كل الناس تحترم نقابة الموسيقيين ومن ينضم لها لازم يحترم عقول المستمعين والمجتمع وأنا مش معترض على المهرجانات ولكن معترض فقط على الكلمة الرديئة واللي هياخد تصريح أو ينضم للنقابة لازم يكون صوته صالح للغناء.
وواصل مصطفى كامل: مش هيبقى فيه الكلام الفاضي اللي كان بيحصل زمان وأن أعضاء مجلس مشغلين ناس بدون تصاريح أنا معنديش هزار في الكلام دا وفي التصاريح، وأنا هنضف النقابة من أعضاء المجلس الفاسدين وبالقانون وأكيد مش كلهم فاسدين وفيه ناس هتكمل معانا.
كما تطرق مصطفى كامل للحديث إلى الظروف المادية للفنانين كبار السن والمعاشات، قائلًا: الناس كبرت في السن والظروف الاقتصادية أصبحت صعبة جدًا والكيانات النقابية موجودة كـ مظلة تأمينية في حياة الفنان ولازم كل نقيب لازم يعين أهل مهنته على الحياة الكريمة على الأقل يمنحه أبسط حقوقه هي المعاش وعلاجه.
ومن ناحية أخرى، سبق وأعلنت نقابة المهن الموسيقية منذ ساعات، غلق باب الطعون على منصب نقيب الموسيقيين،واستقرار قائمة المرشحين لمنصب النقيب على اربع أسماء بينهم مصطفي كامل
