محمد حماقي: أنا أهلاوي وأهلى كلهم زملكاوية.. ومحبش الزمالك يتغلب غير من الأهلي
كشف الفنان محمد حماقي، عن انتمائه الكروي خلال حفله الذي أقيم أمس الجمعة، على خشبة مسرح زيد بارك بمدينة الشيخ زايد، حيث كان الحفل كامل العدد.
وقال محمد حماقي خلال الحفل على المسرح: أنا أهلاوي بس الحقيقة كل أصحابى وأهلى زملكاوية أتولدت لاقيت أمي وأخويا وخالتي وبناتها فأنا صحابي وحبايبى كلهم زملكاوية وأنا بحب الزمالك والحقيقة السنتين اللى فاتوا عامل الزمالك مستوى رائع بصراحة.
وتابع حماقي: على طول بقول لما الأهلى والزمالك بيكونوا كويسين بيكون عندنا منتخب كويس، وأنا مش بحب الزمالك يتغلب غير من الأهلى، وأى حد بيلعب قدامه الزمالك ببقى عايزة يكسب.
وقدم محمد حماقي محمود حمدي الونش، مدافع الفريق الأول لكرة القدم بنادي الزمالك في حفله بـ زيد بارك.
أعمال محمد حماقي
وتعد أغنية قلبي حبك جدًا، آخر أعمال الفنان محمد حماقي، التي حققت نجاحًا كبيرًا عبر مواقع التواصل الاجتماعي وموقع الفيديوهات يوتيوب، ونجحت في تحقيق مشاهدات وصلت إلى 9 ملايين و800 ألف مشاهدة عبر يوتيوب.
وجاءت كلمات أغنية قلبي حبك جدًا لحماقي كالأتي: أنا قلبي قلبي قلبي داب وأنت أنت مين غير كل الناس ايش جاب لجاب قول لي جيت منين يا قمر وطالع في المكان خد عينيا لما بان كان فينك بقى من زمان فين فين فين قلبي حبك جدًا جدًا جدًا أنت ليه قلقان سلم يلا استسلم مش هتكلم الموضوع خلصان أنت اللي عمري معاه واللي عيوني شاوروا عليه أنا قلبي قالك آه طب مستني أقولك إيه.
