تدهور الحالة الصحية لسيلين طفلة الضمور العضلي.. والأطباء: في مرحلة الخطر وتحتاج الحقنة بأسرع وقت
كشفت الصفحة المسؤولة عن حملة التبرع، للطفلة سيلين أيمن، المصابة بالضمور العضلي الشوكي، آخر التطورات الصحية لها، مؤكدةً أنها في المرحلة الخطر.
جسم سيلين في ارتخاء
وقالت الصفحة في منشور عبر فيس بوك: سيلين في المستشفى دلوقتي، والدكاترة لاحظوا تحول ملحوظ حصل في شكل القفص الصدري لسيلين، وجسمها بقى في مرحلة ارتخاء شديد جدًا.
سيلين في مرحلة الخطر
وأضافت: دي مرحلة الخطر اللي كنا خايفين منها، وحذر منها الدكاترة كتير ومفيش أي حل، غير إن يتم توفير الحقنة ليها بأسرع وقت خلال أيام، منوهة: فاضل 7 مليون جنيه.
وتابعت الصفحة: للأسف لحد دلوقتي محدش بيساعد من الشركات، ولا رجال الأعمال إطلاقا، احنا كلنا حاولنا والحمد لله كسرنا الـ 33 مليون جنيه، وده أمر الله ومفيش في إيدينا حاجة تاني.
واستكملت: دي فعلا الفرصة الأخيرة، وده نداء إنساني لكل اللي يقدر يشارك بأقل مبلغ عشان نلحقها في آخر وقت.
كشفت رضوى حمدي، والدة الطفلة سيلين أيمن المصابة بالضمور العضلي الشوكي، آخر تطورات حالتها الصحية، مؤكدة أنه يتبقى من المبلغ الكلي لشراء الحقنة الأغلى في العالم 7 ملايين جنيه.
وفي وقت سابق، قالت رضوى حمدي، والدة الطفلة سيلين في تصريحات خاصة لـ القاهرة 24: سيلين حالتها متدهورة جدًا، ومحجوزة في المستشفى، وكل يوم من سيئ لأسوأ، ومحتاجة علاجها في أسرع وقت قبل ما تدهور حالتها أكتر، مشددة على أنه تم جمع 33 مليون جنيه، حتى الآن، ومتبقٍّ 7 ملايين جنيه، لشراء حقنة الضمور العضلي، المقدر تكلفتها بـ40 مليون جنيه.
وتابعت: الدكاترة قالوا إن حاليًا مفيش التهاب رئوي الحمدلله، لكن بيحافظوا جدًا على نفسها، عشان شروط الحقنة، أنها تاخدها وهي صحتها كويسة، ومتكونش على جهاز تنفس.
وأوضحت رضوى: ممكن تعمل جلسة كل يومين، والدكاترة كلهم متابعين حالتها يوم بيوم عشان يحافظوا على استقرار حالتها شوية، لكن للأسف كل يوم من سيئ لأسوأ، منوهة: بيقولولنا لازم نلحقها ضروري جدًا.
