السيسي: لما حد يتكلم بالإعلام ويقولّي كرتونة البيض زادت 10 جنيه.. كده أنت بتساعد في المسار؟
قال الرئيس عبد الفتاح السيسي، إن هناك خطورة في ترويج بعض الأفكار السلبية عن طريق الإعلام.
وأضاف الرئيس السيسي، خلال الجلسة الختامية أثناء المؤتمر الاقتصادي مصر 2022: أي حد في الإعلام بيقول أي حاجة، وفي ناس بتقول إن كرتونة البيض زادت 10 جنيه، وتابع متسائلا: أنت كده بتساعد في المسار؟!
وتابع السيسي: ده مش معناه إني برفض الفكرة، ولكن هناك أدبيات اللي انتوا بتجيبوها وتشتغلوا بيها قد لا تتوافق مع واقعنا.
وتساءل الرئيس عبد الفتاح السيسي، رئيس الجمهورية: مفيش في كل مدرسة جنب منها شباب يدخلوا مع وزير التعليم ومديرية التعليم، ويدخلوا بشكل لطيف مع المجموعة اللي موجودة ويشجعوهم، متابعا: المرتبات تعبانة، والله العظيم أنا بكلمكم من قلبي، أقل من 10 آلاف جنيه لأي حد بيشتغل ميعرفش يعيش.
وأضاف السيسي، خلال كلمته أثناء الجلسة الختامية للمؤتمر الاقتصادي: هتقول لي طب ما تديهم، هقول لك يا ريت، هيقولولي ما أنت بتقول بتعمل ميناء بـ 40 مليار، وهنا لازم أكون متوازن في إدارة الأمر، واستكمل: غيرنا كان مساره أكل وشرب ودفع فلوس وسابها لما بقت على الحديد، النتيجة كانت إيه؟
وأكد السيسي: الإصلاح في الدولة المصرية أكبر من قرار أي رئيس في الوقت ده، ولذلك لا بد من العمل على كل قطاعات الدولة، أنا مهتم بكله.
