الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

محمود سعد عن الأيام الأخيرة لـ أحمد زكي: كان بيهرب من المستشفى.. مش مستوعب إنه محبوس

أحمد زكي
فن
أحمد زكي
الإثنين 31/أكتوبر/2022 - 03:32 م

كشف الإعلامي محمود سعد كواليس الأيام الأخيرة في حياة الفنان الراحل أحمد زكي، بعد أن أصيب بالسرطان، وتم احتجازه داخل أحد المستشفيات، مشيرا إلى أن أكثر ما كان يؤلم الراحل هو وجوده داخل غرفة المستشفى، فكان هذا هو ألمه الحقيقي، الذي عانى منه أكثر من المرض.

وتحدث محمود سعد عن معاناة أحمد زكي في أيامه الأخيرة، خلال فيديو له عبر حسابه الشخصي بموقع التواصل الاجتماعي فيس بوك، قائلا: أحمد زكي مينفعش يتحبس في أوضة، كان بيهرب من المستشفى بالليل، وواحد صاحبه بيجي ياخده يتعشى في مطعم ويرجعه تاني، ويصحى الفجر يتمشى في المستشفى لأنه مخنوق، دا كان أصعب من ألم المرض، كنت بحس إنه عايز يكسر الحيطة لأنه مش مستوعب أنه محبوس.

وتابع محمود سعد: أحمد قبل ما يموت بيوم، هيثم وقف جنبه وهو نايم، وقاله متسيبنيش يا بابا أنا محتاج لك، فـ أحمد مسك إيده جامد.. الولد أتجنن وفضل يقول بابا حاسس، ولما الدكاترة دخلوا قالوا مفيش جديد، هي مجرد استنارة فقط بجسده.

الأيام الأخيرة في حياة أحمد زكي

وأضاف محمود سعد: حكاية فقد أحمد زكي البصر كانت حقيقية، لكن مكنش بيبين للناس، بيفهم أنت فين بالظبط، وبيحس بيك، ويمد إيده في الوقت المحدد، بحيث أنك متحسش بحاجة، وفي اليوم الأخير اللي حصل في الغيبوبة، أحمد كان بيقول لرغدة نزليني أقعد قدام الجامع، أنا برتاح أوي لما أقعد قدام الجامع.

تابع مواقعنا