الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

شريف مدكور لـ القاهرة 24: مش هتجوز للأبد لأني عايش بحريتي والجواز مش فرض

شريف مدكور
فن
شريف مدكور
الأربعاء 16/نوفمبر/2022 - 08:31 م

أكد الإعلامي شريف مدكور، أنه لن يتزوج طيلة عمره، كون الزواج مسؤولية وأنه يعيش بمفرده وحريته ولا يريد أن يلتزم بزوجة وأولاد.

وأضاف شريف مدكور لـ القاهرة 24: أنا فكرت كويس في الجواز وقررت أني مش هتجوز للأبد، ربنا قال من استطاع منكم الباءة فليتزوج ومش كل الناس عندها قدرة تتجوز، أنا واحد عايش بحريتي ومش عاوز التزم بزوجة وأطفال وربنا ما فرضش الجواز على حد.

وفي سياق آخر، أثار شريف مدكور الجدل بعد تصريحاته بشأن المحجبات، حيث صرح بأنه يضع شروطًا للمحجبات اللاتي تظهرن في برنامجه ويلزمهن بارتداء ملابس واسعة، وهو الأمر الذي جعله يتصدر محركات البحث على جوجل وموقع التدوينات القصيرة تويتر.

ورد شريف مدكور على الانتقادات التي تعرض لها حيث قال في تصريحات لـ القاهرة 24: المحجبة مش حرة وليها زي خاص لأنها اختارت تلتزم ليه تلبس ضيق؟، والناس التانية أحرار لأنهم مختاروش يتحجبوا، وأنا ماليش دعوة بالمحجبات.

واستكمل: مش معنى كده أني ملتزم أنا لابس دبلة دهب وبجيب رقاصة في عيد ميلادي وشخص غير ملتزم، لكن اللي قررت تتحجب قررت تلتزم، واختارت لبس السيدة الملتزمة، والناس دخلوا المواضيع في بعض وافتكروا أني بعمل كده علشان ملتزم.

وكان شريف مدكور فاجأ جمهوره بمقطع فيديو أكد من خلاله أنه يضع شروطًا للمحجبات اللاتي تظهرن في برنامجه، لافتًا إلى أنه يرفض أن تظهر أي فتاة محجبة في برنامج وترتدي ملابس تصف جسمها أو ملابس ضيقة، وتضمنت الشروط التي وضعها شريف مدكور الآتي: لازم تكون لابسة ما لا يصف ولا يشف، وأي سيدة محجبة هتظهر عندي لازم تكون لابسة فضفاض وألوان مش صاخبة وبنطلون واسع، وصدرها مايكنش واضح آسف في اللفظ فخادها مش المفروض تبقى متفسرة، مستكملًا: بقيت ألاحظ أن في ضيوف محجبات لابسين طرحة وبادي وهما ممتلئات شوية وكل جسمهم متفصل، وأنا بعرض صورة لمصر والمصريين وده ما ينفعش يظهر في برنامجي.

تابع مواقعنا