لبلبة تشارك في حفل الأفتر بارتي لـ مهرجان القاهرة السينمائي بعد تكريمها في الافتتاح | صور
حرصت الفنانة لبلبة، على المشاركة في حفل الأفتر بارتي، المُقام حاليًا في المتحف القومي للحضارة، ضمن فعاليات الدورة الـ 44 من مهرجان القاهرة السينمائي الدولي.
وتألقت لبلبة بـ فستان قصير أسود متداخل به خطوط ذهبية، وارتدت شال من الفرو الأسود، واعتمدت مكياج بسيط كعادتها يناسب إطلالتها الرقيقة.
وحضر حفل الأفتر بارتي لـ مهرجان القاهرة السينمائي، عدد من النجوم، على رأسهم الفنان حسين فهمي رئيس المهرجان، والفنانة يسرا، خالد المصري، لبلبة، رانيا يوسف، عمر الشناوي، أحمد مجدي، عمرو كمال مدير سينرجي ونورهان منصور زوجته، جيهان خليل، الموسيقار راجح داود وزوجته، وغيرهم.
تكريم لبلبة
وفي سياق متصل، كُرمت الفنانة لبلبة، خلال حفل افتتاح الدورة الـ 44 من مهرجان القاهرة السينمائي الدولي، بـ جائزة الهرم الذهبي لـ إنجاز العمر، وسلمها الجائزة الفنان حسين فهمي رئيس المهرجان.
وقالت لبلبة، في كلمتها على المسرح عقب تكريمها: بشكر كل اللي اشتغلت معاهم الممثلين والمخرجين والعمال اللي أتربيت وسطهم، وبشكر كل زمايلي اللي في بيني وبينهم عشرة طويلة وبحبهم وعارفة أنهم بيحبوني.
وتابعت باكية: دايمًا لما ببص في الكواليس بلاقي والدتي بتشجعني ومفيش مرة ماكنتش واقفة في الكواليس، لما كانوا يعلنوا عن مهرجان القاهرة تقول لي إنتي هتتكرمي وما يحصلش نصيب، والسنة اللي بعدها تقول لي هتتكرمي السنة دي أنتي أكتر واحدة اشتغلتي وبرضه ما يحصلش نصيب، ودلوقتي أنا بحقق لها أمنيتها، ولكن هي مش موجودة وأنا بتكرم النهاردة.
