رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

آسر ياسين ينعي مساعده الخاص: كان بيخاف عليا من مشاهد الأكشن.. ومافيش طفل يشوفه إلا ويبتسم

آسر ياسين ومساعده
فن
آسر ياسين ومساعده الخاص
الخميس 24/نوفمبر/2022 - 01:31 ص

نعى الفنان آسر ياسين، مساعده الخاص الذي رحل عن دنيانا منذ 3 أسابيع، حيث روى عددًا من المواقف التي جمعتهما والتي جعلته يشعر بالامتنان لمساعده في كثير من الأحيان.

 

ونشر آسر ياسين، صورة جمعته بمساعده الخاص قبل وفاته، عبر حسابه الشخصي بموقع التواصل الاجتماعي فيس بوك، وعلق قائلًا: إهداء لـ مجدي.. كان المساعد بتاعي لأكتر من 14 سنة، قصته فيها كمية عِبر حياتية غير طبيعية.. اشتغل كهربائي لمدة تلاتين سنة وبعد كده حصتله حادثة موت اتكتبله فيها عمر جديد.. ومن هنا ابتدى يشتغل مساعد ليا بناءً على نصيحة أبويا اللي رشحهولي عشان إخلاصه وأمانته.

 

وتابع: عمره ما كان يتخيل إنه يشتغل في السيما ويقابل روبي ومني زكي ومحمود حميدة!! ومش بس كده، ده كمان وقف قدام الكاميرا كذا مرة في أدوار شرفية.. كل الناس حبته لأنه يخش القلب على طول لطيبته وبساطته.

آسر ياسين عبر فيس بوك

وأضاف: كان يخاف عليا جدًا بالذات في مشاهد الأكشن.. وكنا ساعات بنتقمص من بعض لما نخش في حوارات عبثية عن الحياة وبعدها نقوم مهيفيين بأي كلام زي الصورة اللي في البوست.. اللذيذ في الموضوع إنه كان ييجي يسألني عن نصيحتي في حاجات شخصية علي رغم فرق السن.. مفيش طفل يشوفه غير ولازم يبتسم لا إراديًا بسبب وشه البشوش والطفولي.

 

واختتم قائلًا: مجدي رحل عن عالمنا من 3 أسابيع، ولحد النهاردة أنا ما اتكلمتش عنه، يمكن لأني بتجنب ده أو أني معتبره ماحصلش، مش عارف.. بس اللي عارفه كويس أوي أنه حقيقي واحشني.. سلام يا ميجو.. الفاتحة.

 

آسر ياسين

 

وعلى جانب آخر، يعتبر فيلم شماريخ آخر أعمال آسر ياسين والذي يتم تصويره في الوقت الحالي، والعمل من بطولة أمينة خليل، خالد الصاوي، أدهم الشرقاوي، محمد ثروت، مصطفى درويش، وعدد آخر من الفنانين، وهو من تأليف وإخراج عمرو سلامة.

تابع مواقعنا