حمو بيكا عن مشاركته بـ كأس العالم: لفيت العالم كله ومش غريبة أغني في المونديال
علق مطرب المهرجانات حمو بيكا على انتقادات غنائه في كأس العالم قطر 2022.
وقال حمو بيكا في تصريحات لـ ET بالعربي: أنا لفيت العالم كله ومش غريبة أغني في المونديال وكانت حفلة كبيرة والجمهور تفاعل معانا.
وتحدث بيكا عن أغنته الجديدة أنا بكبك المهم قائلًا: أغنية لسه عاملها بتعبر عن شخصيتي، مشيرًا إلى أنه يستعد لطرح أغنية جديدة بمشاركة حسن شاكوش.
كما تحدث حمو بيكا عن نقيب الموسيقيين مصطفى كامل: قائلًا: نقيبنا عظيم حل لينا كل مشاكلنا ولما نسافر بره مصر بيكون عارف علشان يضمن لنا حقوقنا وخدت الكارنيه الحمد لله.
بيكا يكشف حقيقة ارتباطه بسارة خليفة
ومن ناحية أخرى، كشف حمو بيكا علاقته بالمذيعة سارة خليفة، بعد انتشار مقطع فيديو له خلال مطاردة أحد المعجبين له داخل أحد مولات دبي، حيث أقدم المعجب على تصويرهما ومحاولة التقاط صورة معهما، بينما انفعل بيكا عليه ووضع يده على الكاميرا.
وقال بيكا: إحنا كنا خارجين نجيب هدوم وعيل صورنا، ومراتي عارفة سارة ولو حد غيرها كانت هتبقى مشكلة كبيرة.
ومن جانبها قالت سارة خليفة: حمو بيكا أعز صحابي وأخويا ومراته شمس صاحبتي وإحنا كان عندنا حفلة ورايحين نشتري لبس، وفي حد طلع الموبايل واتصور مع بيكا وبعد ما مشي صورنا غصب عننا والشائعات ظهرت وتريند أي كلام مالوش لازمة.
