الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

الدكتور قالي روح موّت نفسك.. شاب الإسكندرية المنتحر: مش مسامح كل اللي دمروا حياتي

الشاب المنتحر بالإسكندرية
محافظات
الشاب المنتحر بالإسكندرية
الجمعة 02/ديسمبر/2022 - 11:31 ص

أتمنى محدش ينساني إن مكنتش معاكم.. بهذه الكلمات أعلن الشاب سامح محمد، من محافظة الإسكندرية، إنهاء حياته برسالة مؤثرة عبر صفحته الشخصية على فيسبوك، مستكملا: نفسي أي حد زعلته أو قصرت معاه يسامحني ويدعي لي، نفسي لما الإمام يسألكوا قبل صلاتكم عليا ما خطبي أكون فعلا حد كويس وتشهدوا ليا بدا قدام ربنا.

رسالة مؤثرة لشاب بالإسكندرية قبل تخلصه من حياته

أخويا هيحاول يلغي البوست ويقفل الأكاونت، مهما طلب منكم ده متسمعوش لو بتحبوني.. كلمات أضافها الشاب في رسالته، متابعًا: أتمنى لو حد في عمرة أو رايح حج تخلوه يعمل حسابي في دعائه وأتمنى لو يعمل لي عمرة أو حج وجزاه الله الفردوس الأعلى يارب، وأكد: مفيش حد من أصدقائي يحس بالذنب إنتوا ملكمش ذنب.

واستكمل الشاب: مش مسامح أي حد في اللي حالي دا وصله، آخر سطر كان مكتوب إنتوا السبب في انتحار واحد زيي عاش مظلوم، ويوم ما يموت يموت حرام، أنا آسف لو ضايقت حد بحاجة من اللي فيا، المشكلة إن اللي سمعته مش عبارة عن أغنية، ده أمر واقع هتلاقيه فيها وفيك وفيا.

وقال الشاب في رسالته: أنا حالة مريض متأخره ملاقاش معاه غير ضله، ومش مسامح أي حد في اللي حالي دا وصله، المرض بتاعنا آخره موت عشان ملهوش أدوية.

وأضاف سامح: سامح كل الناس، ما عدا 2 دمروا حياتي بكل ما تحمله الكلمة من معاني وظلموني، أنا آسف مقدما لأي حد أذاه الخبر دا بس غصب عني، صبرت على قد ما قدرت، أتمنى تقولوا بخشوع اللهم اني سامحت سامح فيما فعله لي وإني أشهدك على هذا، اللهم اشفع له واعصمه من النار وادخله الفردوس الأعلى.

ووجه الشاب رسالة لطبيب نفسي قائلا: إنت حرام يتقال عليه دكتور، اللي يحكم على الناس من غير ما يسمع لهم ولا يشوفهم حتى، اللي يقول لمريضه اللي هو أنا لو عايز تموت نفسك روح، وبيقوله أنت مش مريض نفسي ولا جسدي، وفي نفس الوقت كاتبله 7 برشامات في اليوم لمدة 3 شهور تقريبا.

واستكمل سامح: شكرا لكل حد ساعدني ولو بكلمة أو بدعوة في سره لأنه فعلا ساعدني أفضل عايش للحظة دي، ومحدش من صحابي يحس بالذنب لأن ملهمش ذنب.

انتحار شاب بالإسكندرية

وترك شاب يدعى سامح محمد بالإسكندرية رسالة تخلصه من حياته، قبل أن يقفز من نافذة منزله، حيث كتب عبر صفحته الشخصية بموقع التواصل الاجتماعي فيسبوك: ادعولي ربنا يسامحني، مبقتش قادر أتحمل أكتر من كده.

 

ويحذر موقع القاهرة 24 الانتحار، مطالبًا من تراودهم مثل هذه الأفكار؛ التوجه إلى طبيب نفسي في محاولة لحل مشكلاتهم، وما قد يتعرضون له والتفكير بإيجابية حول استمرارية الحياة التي منحها الله للإنسان، حيث يأمل القاهرة 24 الذهاب إلى الطبيب المختص، وعرض أنفسهم على المعنيين لحل المشكلة.

وتعمل الدولة على تقديم الدعم للمرضى النفسيين، من خلال أكثر من جهة خط ساخن، لمساعدة من لديهم مشاكل نفسية، أو رغبة في الانتحار، أبرزها الخط الساخن للأمانة العامة للصحة النفسية، بوزارة الصحة والسكان، لتلقي الاستفسارات النفسية والدعم النفسي، ومُساندة الراغبين في الانتحار، من خلال رقم 08008880700، 0220816831 طول اليوم.

تابع مواقعنا