رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

شريف منير يطالب بالإعفاء الضريبي عن المسارح: الفنانين قاعدين في بيوتهم مبيشتغلوش

شريف منير
فن
شريف منير
الإثنين 05/ديسمبر/2022 - 12:49 م

وجه الفنان شريف منير، رسالة للرئيس عبد الفتاح السيسي، يتمنى أن يتم تنفيذها بشأن المسرح وعودته مرة أخرى، مؤكدًا أن هناك العديد من الفنانين لا يعملون حاليًا وفي منزلهم  بسبب قلة العمل.


وقال شريف منير، خلال ندوته في القاهرة 24 إنه يتمنى من الرئيس عبد الفتاح السيسي، أن يضع المسرح ضمن مشروعات الإعفاء الضريبي، لحين عودة المسرح مرة آخرى.

وتابع شريف منير: كنت عايز أقول لـ الرئيس السيسي،  موضوع المسرح  يبقى عينه عليه شويه لأن  إحنا دايمًا بنقول أن مصر فيها ريادة في الفن، والمسرح موجود ولكن ضرائب المسرح وصلت لـ 57 % طب أنا كمنتج هنتج ليه.

 

وأضاف شريف منير: ليه ميتحطش المسرح في قائمة المشروعات المعفاة  من الضرائب في الأول لحد ما يقف على رجليه، لأن إحنا مبقاش عندنا مسرح دلوقتي والممثلين مبقوش موجودين، فلو مخدناش بالنا المسرح بيدخل للدولة والسينما وبيشكل وجدان مجتمع، أنت دلوقتي بلدك محتاجة فلوس أنا معنديش مانع أننا ندعم بلدنا.


واستكمل شريف منير، حديثه قائلًا، إن كان هناك العديد من المسرحيات التي شارك في بطولتها الفنان الراحل سمير غانم، كان هناك وفد سعودي يأتي خصيصًا في طائرات خاصة لحضور العرض المسرحي.

تصريحات شريف منير

وتطرق شريف منير للحديث عن مسرحية حزمني يا، قائًلا: أنا في مسرحية حزمني يا، كان عندي  أول صفين محتجزين لـ 3 شهور للناس من السعودية علشان أي وقت ينزل يجي يتفرج، مدفوع فلوسهم من  شهرين لـ3 شهور.


وأعرب شريف منير عن استيائه لعدم وجود موسيقيين حاليًا، للعمل في مصر، واتجه الكثيرون للعمل في الخارج من أجل المال، معلقًا:  دلوقتي جيت اتكلم مع موسيقيين ملقتش موسيقيين، معندناش مانع الناس تروح وتشتغل وتكسب فلوس زيادة، بس كمان لازم نبقى هنا عندنا عايزين الشوارع تنور، المسارح زي مسرح قصر النيل مقفول وبقي بابه قديم مسرح جلال الشرقاوي.  

واختتم شريف منير حديثه قائلًا: محتاجين نظرة لموضوع الضرائب والمسرح  يدخل في مشروع المعفي من الضرائب لمدة 5 سنوات، علشان المنتج يقدر يشتغل، ويوقف المسرح  على رجليه، لأن في فنانين بتوع مسرح قاعدين في البيوت مبيشتغلوش، أنا بتكلم على العام والخاص، بعد كده خد مننا ضرائب زي ما أنت عايزها.

تابع مواقعنا