الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

إلهام شاهين: الدين اللي نزله ربنا واحد.. والرسالات السماوية مش ضد بعضها

إلهام شاهين
فن
إلهام شاهين
الإثنين 19/ديسمبر/2022 - 10:01 م

صرحت الفنانة إلهام شاهين، بأنها تعتبر أن الله أنزل لنا دينا واحدا، نزل في عدة رسالات سماوية، ولا يمكن أن تكون هذه الرسالات ضد بعضها.

وقالت إلهام شاهين خلال لقاء بعنوان نحو مواطنة داعمة للتنوع الثقافي، والذي ينظمه منتدى حوار الثقافات بالهيئة القبطية الإنجيلية للخدمات الاجتماعية: ربنا أعطانا دين واحد فقط نزل في عدة رسالات سماوية، لا يمكن تكون هذه الرسالات ضد بعضها، لأن ما ينفعش ربنا يخلق دين وبعدين يخلق دين تاني ضده.

وأضافت: التعصب موجود لأن فيه ناس بتفهمنا الأديان خطأ وبتنشر أفكار خاطئة، وفيه ناس ثقافتها محدودة فبتتأثر، وفي ناس بتفسر الآيات غلط.. ولكن الغلط مش في الدين، الغلط في من يفسر الدين، لما حد يقول اللي مش بيصلي يستتاب ثم يقتل، طيب وأنتم مالكم لو عاوز ربنا يموته أو يعاقبه ربنا هو اللي بيحاسبنا مش البشر، هل أنت هتراقب الناس وتشوفهم صلوا كام مرة في اليوم، بصراحة في كلام مستفز وما زال يعرض.

وأردفت إلهام شاهين: على عاتقنا أن نصلح الأشياء الغلط ونمنع أي حد بيتكلم غلط من الظهور، لازم الدولة تكون حاسمة جدًا في هذه النوعية من الكلام.

واستكملت إلهام شاهين: لو عاوزين نمنع التعصب لازم نكون عندنا الجرأة ونتكلم بصراحة، وتكون الدولة بكل قوتها ضد التعصب، ولو فيه شخص من رجال الدين بيظهر على الشاشات وبيقول آراء متعصبة نمنع ظهوره على الشاشات، لأن فيه ناس كتير متعصبة، أنا شفت أحد الشيوخ بيقول آراء عنصرية ومنها إن المسلم ممكن يتجوز مسيحية لكن لا يعاملها بالحسنى ودي آراء عيب تتقال على الشاشات، إحنا شعوب ترفض التعصب إحنا طول عمرنا نسيج واحد.

تابع مواقعنا