السبت 20 أبريل 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

ياسمين عز: زوجة ميسي حتة نوتيلا بالشوكولاتة.. وجورجينا شاردة برة البيت 24 ساعة

ياسمين عز
فن
ياسمين عز
الخميس 22/ديسمبر/2022 - 07:43 م

كشفت الإعلامية ياسمين عز عن رأيها في أنتونيلا زوجة لاعب الكرة الشهير ميسي، مؤكدة أنها أفضل من جورجينا زوجة رونالدو.

وقالت ياسمين عز خلال برنامجها كلام الناس: مع خالص تقديري لكريستيانو لكني بحس إن جورجينا شاردة 24 ساعة بره البيت، وبتلف وتبرم ومش مهتمة بـ بيتها وأسرتها، على النقيد أنتونيلا زوجة ميسي زي حتة النوتيلا بالشوكولاتة عايشة لبيتها.. وولادها نضاف شعرهم بيلمع وريحتهم نضافة، وأم وست بيت من الستات اللي بتدخل على أزواجها بحتتين كيك وكوباية شاي في البلكونة.

وأضافت ياسمين عز: عاجبني في أنتونيلا زوجة ميسي إنها بسيطة ومالهاش في جو الشو والفساتين واليخوت مع إنها تقدر تعمل ده، وزوجة صالحة مهتمة بنفسها وشكلها وبصراحة اللي عندها تلات عيال يهدوا جبل، لكنها محافظة على نفسها وجوزها زي ما كانت قبل الحمل والأطفال، وماقلتش له العيال عملوا وسوا فيا ويا بس يا واد وبس يا بت.

وسبق وأثارت ياسمين عز جدلا واسعا على مواقع التواصل الاجتماعي، بعدما وجهت عددا من النصائح لـ كريستيانو رونالدو، قائلة: بقول له مفيش أجمل من الحلال والستر وربنا عمره ما هيكرمك من غير جواز، شوف ميسي لما اتجوز ربنا كرمه ووصل للنهائي، وربنا يهدي جورجينا أم العيال ويصلح الحال، وأنا بدعو لستر البنت وبالجواز والدلع مش الطلاق ودا هدفي.

تابع مواقعنا