أحمد شيبة: آه لو لعبت يا زهر وش السعد عليا.. وأخوض تجربة التمثيل في رمضان 2023 | خاص
أكد المطرب الشعبي أحمد شيبة، أن أغنية أه لو لعبت يا زهر هي وش السعد عليه في مسيرته الفنية، كاشفًا جديد أعماله الفنية المقبلة.
أحمد شيبة يتحدث عن سبب شهرته
وكشف أحمد شيبة عبر حواره مع القاهرة 24، عن سبب شهرته، مؤكدا أن أغنية اه لو لعبت يا زهر هي السبب في شهرته وتحقيق نجاح جماهيري كبير، معلقًا: أغنية أه لو لعبت يا زهر كانت وش السعد عليا وعرفت الناس بيا وبشكلي وطلعتني أغني برا مصر وبحمد ربنا وبشكر فضله عليا أنها حققت نجاحات كبيرة ولحد دلوقتي بتطلب بعد 8 سنين من إصدارها ودايما بكون حريص أني أقدم أغاني تلمس الجمهور.
وعن أول أجر حصل عليه في الأفراح الشعبية، قال أحمد شيبة: قعدت فترة كبيرة أخد 10 و20 جنيه عشان الناس تعرفني لحد ما ربنا كرمني ووصلت لـ 50 جنيه لحد ما عملت كليب من إنتاجي ونزلته على القنوات، ودا كان أول ظهور ليا على الشاشة ثم بعد ذلك عملت أغنية اللى مني ونزلت في فيلم النبطشي مع الفنان محمود عبد المغني.
أعمال أحمد شيبة القادمة
وتحدث أحمد شيبة عن جديد أعماله القادمة، مشيرا إلى أنه يعكف على تصوير فيديو كليب مع المطرب عمر كمال بالإضافة إلى تحضير أغنية جديدة على طريقة السينجل وأيضًا دويتو جديد مع مطرب غير مصري.
وعن تعاونه مع عمر كمال في ثلاث أعمال تجمعهما سويا، رد شيبة: عمر كمال مكافح وأنا كنت حاسس باللي هو وصله لأن بيظبط شغله على طول وربنا هيكرمه بعد كده.
وكشف شيبة لـ القاهرة 24: هقدم دور تمثيلي في رمضان 2023 وأجهز لتترات عشان مسلسلات رمضان.. ويارب يجعل في وشي القبول وتعجب الجمهور.
واختتم أحمد شيبة حديثه بتوجيه رسالة تهنئة للشعب المصري بمناسبة رأس السنة 2023، قائلًا: كل سنة والشعب المصري بخير وإن شاء الله السنة الجديدة تبقى أحسن من اللي فاتت وربنا يكرمنا جميعًا.
