أبرز تصريحات مصطفى كامل التلفزيونية: حققت للنقابة 15 مليون جنيه وسيطرت على الفساد
كشف الفنان مصطفى كامل أنه حقق أرباحا للنقابة بـ قيمة 15 مليون جنيه، في شهر ونصف فقط.
جاء ذلك خلال أحد اللقاءات التلفزيونية له، مشيرا إلى: أن نادية مصطفى جالها صرع بسبب وقائع الفساد.
ونستعرض أبرز تصريحات مصطفى كامل فيما يلي:
ـ أنا مصطفى كامل نقيب الموسيقيين القريب إلى الله جدًا.
ـ التحقيقات الإدارية خلصت مع الحرامية في نقابة الموسيقيين، وتمت الإدانة الفعلية، وهيتم التحويل للنيابة العامة، وتلفوني عليه كل حاجة صوت وصورة.
ـ أنا مجند ناس فوق ناس على ناس بتراقب ناس، ودول قسمًا بالله ما جواسيس.
ـ قدرت أسيطر معدش في فساد، ولو باقي سرسوب من الحنفية هجيبه، وكل ما أسأل يقولولي كله مرعوب.
ـ كل اجتماع ليا في المجلس أقولهم يا جماعة أي متطلبات لزميل لينا حتى لو حقوقه المادية، معدية حدود القانون اللي سامح لي بيها اقفوا جمبه.. نُسأل أمام القانون ولا نسأل أمام الله.
ـ مبطلبش مساعدات من أعضاء النقابة للمحتاجين، لأن عندي اكتفاء، مفيش نجوم جت قالت اتبرع، وأنا مش محتاج حد يديني حاجة.
ـ هديت النقابة وطربقتها من أول وجديد، وفي شهر ونص محقق 15 مليون في شهر ونص، النقابة الفترة اللي فاتت كانت بتتشدق بأنهم محققين 30 مليون جنيه.
ـ هاني شاكر ترك الأمور في يد أشخاص أضروا بسمعته النقابية على الأقل قدامي أنا.
تصريحات مصطفى كامل
ـ نادية مصطفى جالها صرع بسبب وقائع الفساد.. وكل ما أجيب واقعة فساد تقول والله ما كنا نعرف.
ـ هاني شاكر منح دوبل زوكش وشاكوش ومطربي المهرجانات، والإيقاف طلع أداة من أدوات الابتزاز المادي، الصبح عندهم شغل فيكلموا شخص والنبي إحنا موقوفين فيقولوهم شخلل.
ـ أنا أشرف وأرجل وأنقى وأنضف مَن دخل نقابة الموسيقيين.
ـ التصريح الربع الثانوي كان بدعة من مصطفى كامل.
ـ ورحمة أبويا موقفتش مع حمو بيكا لحظة غنائه ولاد الغازية غير دقيقتين، وكنت فرحان وأنا شايف بتاع الدوف والموسيقيين شغالين، دخلت اتطمن أنه واقف ومعاه 12 بني آدم، بيكتسب من وراه، ومسمعتش الكملة دي والله معرف هو قال إيه.
ـ محمد فؤاد وحكيم حاولوا يغنوا مهرجانات ومعرفوش.
ـ مشتغلتش ببكاريوس تجارة بتاعي ثانية، لكن تكسبت من مهنة الفن مدى عمري.
ـ ويجز ليس من أعضاء نقابة الموسيقيين.. ومحبتش ظهوره بالشورت الأخضر.
