أيمن بهجت قمر عن منتقدي إعادة تقديم سيدتي الجميلة: معندهمش وعي
وجّه السيناريست أيمن بهجت قمر رسالة شديدة اللهجة لكل من انتقد إعادة تقديم مسرحية سيدتي الجميلة بعد 53 سنة من عرضها الأول للراحل فؤاد المهندس وشويكار لها.
أيمن بهجت قمر يوجه رسالة لـ منتقدي سيدتي الجميلة
وقال أيمن بهحت قمر في لقائه مع ET بالعربي، إن هدفه هو إحياء الأعمال القديمة، مؤكدًا أنه يُطيل في عمرها الافتراضي، معلقًا: أنا هدفي هو إحياء الأعمال الكلاسيكية، الأعمال اللي تراك الصوت بتاعها مش مسموع كويس، اللي فيه حاجات مقطوعة في نسخها القديمة، وأنا بعمل لها تحديث وبطول في عمرها الافتراضي.
وأردف قائلا: أنا بستغرب أي حد بينتقد إعادة تقديم الأعمال الكلاسيكية وأعتقد إنه معندوش وعي، ودا لأن لو سألنا الشباب اللي عنده 15 أو 20 سنة عن الأعمال الكلاسيكية القديمة مش هيكونوا عارفين بيها، لأنهم ماتفرجوش عليها.
أيمن بهجت قمر يتحدث عن أعماله مع شيرين عبد الوهاب
وتحدث أيمن بهجت قمر عن أعماله القادمة مع المطربة شيرين عبد الوهاب، وذلك خلال تصريحاته لـ ET بالعربي، قائلًأ: الفترة اللي فاتت شيرين كانت مشغولة بحياتها الشخصية، والأمور الفنية أنا مش ملم بيها.
واستكمل: أنا أتشرف بالشغل مع شيرين عبد الوهاب وكل الفنانين الكبار، ولكن بسبب انشغالها بحياتها الخاصة، وحاليًا مفيش توافق ولا تلاقي في الشغل بس أكيد الأيام الجاية هيبقي فيها شغل.
أعماله القادمة
أما عن أعماله المقبلة، أكد أيمن بهجت قمر أن فيلم أهل الكهف سيتم استكمال تصويره قريبًا، فضلًا عن تعاقده مع الفنان أحمد السقا على فيلم جديد من إخراج خالد مرعي.
