وفاء عامر: بخاف من الحسد لأنه مذكور في القرآن.. ولا أخاف من أحد لأننا في دولة قانون
حلت الفنانة وفاء عامر، ضيفة على الإعلامية إيمان الحصري، في برنامجها مساء DMC، في حلقة خاصة بمناسبة ليلة رأس السنة 2023، وتحدثت خلال اللقاء عن أعمالها الفنية، وحياتها الخاصة بجانب الحديث عن أعمالها الخيرية.
ووجهت وفاء عامر، في بداية الحلقة نصيحة لجمهورها لتجنب الحسد، قائلة: أنا دايمًا متفائلة وفي أحلك المواقف بقول ربنا شايلي الأحسن، وأؤمن بالطاقة الإيجابية، وبخاف من الحسد جدًا لأنه مذكور في القرآن، وعشان تتجنبوا الحسد لو حد قالك مال عنيكي مصفرة كده ليه قولي كنت لسة بعيط دلوقتي، العين هتمشي على طول، ولازم دايمًا تفكروا في الأمل والحاجات الكويسة.
أما عن أعمالها الخيرية، فعلقت قائلة: أنا شخص وعفوي ومببقاش مرتبة الحاجة، وعندي استعداد أساعد أي حد محتاج لو معاه ورق سليم، الدولة بتساعد ولكن متقدرش تشيل حالات كاملة بعينها وده في كل دول العالم.. ومن عيوب السوشيال ميديا الهجوم على الناس الإيجابية، ومش بيهمني طول ما أنا صح مفيش حد يهمني طول ما أنا في دولة فيها قانون والسمعة مش بالساهل.
وتحدثت الفنانة وفاء عامر، عن كواليس قبولها دورها في مسلسل جزيرة غمام، قائلة: حسيت إني ظلمت نفسي في عمل ما، وكنت عايزة أساعد ولقيت بيتعرض عليا حاجات وأعمال كتير وشركة سينرجي جولي الساعة 3 بالليل تحت البيت علشان أوافق على دوري في مسلسل جزيرة همام وأنا كنت بعيط علشان معنديش وقت، ومسلسل بيت الشدة بيقول للناس رسالة عن السنين العجاف أتمنى يكونوا فهموها.
وفاء عامر في رمضان 2023
وعن مشاركتها في رمضان المقبل 2023، فقالت: كان نفسي اشتغل مع مخرج عظيم زي عادل أديب اشتغلت معاه قبل كده في جبل الحلال، والحمد لله أمنيتي أتحققت السنة دي وهشتغل معاه في مسلسل حضرة العمدة، هو مخرج عظيم وبيطلع الفنان في أحسن حالاته، وهقدم شخصية بتاجر في أحلام الناس، فيها أذى بس نتيجة تراكمات، والعمل من تأليف إبراهيم عيسى.
وأكدت الفنانة وفاء عامر، أنها بالرغم من مقابلتها عدد كبير من الأشخاص المؤذيين في حياتها إلا إنها لا تهتم لهم، قائلة: قابلت مؤذيين كتير في حياتي ولكن هما بيدوني طاقة، نجاحي بيتعبهم ولكني بنجح أكتر وأكتر ومش مهتمة، المؤذي مش بيبطل أذى ومش بيتوب.
