رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

طارق الشناوي: حسن يوسف بطل يتجوز في الأفلام بسبب آراء الشعراوي الغريبة

الشعراوي، حسن يوسف،
فن
الشعراوي، حسن يوسف، طارق الشناوي
الثلاثاء 03/يناير/2023 - 08:57 م

أكد الناقد الفني طارق الشناوي أن الأفكار الغريبة للشيخ الشعراوي هي سبب عدم جواز الفنان حسن يوسف في الأعمال الفنية.

طارق الشناوي يتحدث عن الشيخ الشعراوي

وقال الناقد الفني طارق الشناوي في تصريحات خاصة لـ القاهرة 24، إن أفكار الشيخ محمد متولي الشعراوي هي السبب الأول في عدم جواز الفنان حسن يوسف في الأعمال الفنية، مؤكدًا أن حسن يوسف كان قريب من الشيخ الشعراوي.

وأضاف طارق الشناوي: الشيخ الشعراوي أفكاره غريبة متراجعة ومتزمتة، يعني مثلًا فكرة أن الجواز في التمثيل يبقى جواز حقيقي وده اللي خلى حسن يوسف يبطل يتجوز في الأفلام لأنه كان قريب من الشعراوي.

وأكمل الشناوي: الشيخ الشعراوي قال لـ حسن يوسف حديث معناه إن أي جواز أمام الكاميرا يبقى جواز شرعي، وكمان الشعراوي كان ضد نقل الأعضاء وغسيل الكلى، فالشعراوي كان عنده أفكار غريبة ورجعية.

الفنان حسن يوسف

وواصل الشناوي قائلا: المشكلة مش في شخص الشيخ الشعراوي، هو رجل مجتهد، ولكن المشكلة أن آراءه كانت متزمتة وبعيد عن العصر، ولما قال حدث الذبابة اللي هو لو بتشرب شاي أو قهوة ووقع جناح ذبابة في الشاي فغطس الجناح التاني وأشرب، وقال إن فيه جناح داء والجناح الآخر فيه دواء، وده مش منطق نصدره للناس لأن ده يجيب مرض.

الشعراوي وطارق الشناوي

وفي سياق متصل، كشف طارق الشناوي عن رأيه في طرح سيرة الشيخ الشعراوي على خشبة المسرح القومي، قائلًأ: أنا شايف أنه ليس وقت عمل للشيخ الشعراوي، لأن المجتمع أساسًا يتراجع في أفكاره وتحرره، وكان الأفضل تقديم سيرة الدكتور مجدي يعقوب أو الدكتور أحمد زويل، يعني نبدأ بحاجة تشرح القلب ويا ريت يبقى مجدي يعقوب عشان الرسالة التي هتوصل للناس تكون جميلة.

تابع مواقعنا