الخميس 20 يونيو 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

بالجلباب الصعيدي.. أحمد موسى يظهر لأول مرة مع عائلته بمنزله بسوهاج: والدي كان يلف يصلح بين الناس │فيديو

الإعلامي أحمد موسى
كايرو لايت
الإعلامي أحمد موسى مع عائلته
الخميس 05/يناير/2023 - 10:33 ص

ظهر الإعلامي أحمد موسى خلال حلقة برنامجه على مسئوليتي المذاع عبر فضائية صدى البلد، لأول مرة وسط عدد من أفراد عائلته بمنزل والده في قرية شطورة بمحافظة سوهاج، وهو مرتديًا الجلباب الصعيدي.

وقال خلال الفيديو: بمنتهى السعادة فوق ما أي حد يتخيل، أنا عملت حلقات كتير وبشتغل بقالي سنوات طويلة جدًا لكن النهاردة بالنسبة لي يوم مختلف لأني أول مرة أعمل كده، مع أهلي وناسي وفي بيتنا وبيتهم لأن محدش عندنا ضيوف كلنا أصحاب مكان هما اللي مشرفنا.

الإعلامي أحمد موسى 

وأضاف موسى خلال الحلقة: الحلقة دي بالنسبالي من أصعب الحلقات لأنه بتكلم عن حاجة تخصنا، ولكنه هو أمر وفرض علينا، إن إحنا موجودين النهاردة بشطورة، وسيادة الرئيس موجود وسطنا مع أهله وحبايبه في سوهاج، وهما كمان يحبوا يتكلموا مع الرئيس ويوجهوا ليه رسايل، الناس دي طلباتها دايما بسيطة جدا وبيحبوا بلدهم جدا، ومش بقول كدة عشان أهلي أنا بقول كدة حتى وأنا برا مصر، بس أنا واحد منهم وفخور أني قاعد وسطهم.

الإعلامي أحمد موسى مع عائلته

وتابع الإعلامي أحمد موسى وبدا على وجهه الحزن: أصعب لحظة هي اني اتمنى دلوقتي إن والدي يكون قاعد، لأن كانت أمنية حياته اللحظة دي، وأنا دلوقتي قاعد مكانه، لأنه كان دايما يقعد هنا وكل الناس تقعد حواليه، بتذكر اللحظات دي كأنها دلوقتي.

وأكد موسى: والدي كان بيستقبل كل الناس، البيت ده عمره ما اتقفل، كان يصحى يشوف مصالحه بالغيط ويلف البلاد يصلح بين الناس، فوالدتي الله يرحمها لو حد سأل عليه تقولهم 5 دقايق وجاي، بتصبرهم عشان تلحق تجهز لهم الغدا، البيت ده هو اللي قاعدلنا لحد النهاردة، أنا اتشرف إني مع أهلي وناسي وإني أسمعهم وعاوز حضراتكم تسمعوهم كلهم، بالنسبة لي السند وأي حد يتشرف إنه يبقى عنده عيلة.

ووصف موسى عائلته قائلًا: أهل شطورة تعبوا كتير قوي انتوا متعرفوش الناس طيبة قد إيه، بسطاء جدا ولكن عندهم عزة نفس وكرامة، ممكن الواحد ميبقاش عنده عيش في البيت بس لازم يقدم الواجب وكله شموخ وفخر، الناس دي شقيانة إيد كل واحد فيهم اشتغلت وزرعت وحصدت.   

تابع مواقعنا