عمرو مصطفى: أتمنى الأغاني اللي بقدمها تعالج البشر
تحدث الفنان عمرو مصطفى، عن أمنياته التي يتمنى تحقيقها خلال الفترة المقبلة، مشيرًا إلى أن يتمنى تقديم أعمال فنية تنال على إعجاب جمهوره، وأن تعالج البشر.
وعن أمنياته قال عمرو مصطفى، في تصريحات تليفزيونية: حلمي ولادي يتخرجوا من الجامعة، والأغاني بتاعتي يحبوها ووصلالهم، وبتقدم رسائل وتعالج البشر.
تصريحات عمرو مصطفى
وسبق، وتحدث عمرو مصطفى عن نجاح أغنية يا دائرة التي طرحها خلال الفترة الماضية، وحققت ما يزيد عن مليون مشاهدة على يوتيوب حتى الآن.
وذكر عمرو مصطفى خلال تصريحات تليفزيونية: أغنية يا دايرة ودي كانت مشاعري من سنتين، قررت أنزل كل المشاعر اللي كنت بعملها من الموبايل، اللي بتعجبهم أوي وبتفرقع بكملها، وأنا كملتها بطريقتي، وتدعم البني آدم متزعلش على خسارة الناس.
وتابع عمرو مصطفى: أنا الملحن الوحيد اللي لازم المطرب يتحايل عليه عشان يشتغله، ويتحايل أوي وكثير، ويقعد 4 أو 5 شهور عشان ياخد أغنية.. أنا مش زعلان إن حد ألحنله أو لا مفيش حد خالص مهم، المهم هو حب الجمهور.
أغنية يا دايرة
يذكر أن أغنية يا دايرة، من كلمات أحمد علي موسى، وألحان عمرو مصطفى، وتوزيع تيكو.
جاءت كلمات أغنية يا دايرة كما يلي: يا دايرة كل يوم تصغر يا دنيا قاسية بتغير.. أنا اللي فهمت متأخر أنا غلطان.. غريبة الدنيا وعجيبة.. أنا بتجازى على الطيبة.. كأن خلاص بقيت عيبة تكون إنسان.. يبان وجعي وأنا بحكي في مواويلي.. ودمعة حزينة بتونسني طول ليلي.. وقلبي يروح لناس مشيت وجرحوني.. خسرت الدنيا علشانهم وخسرون.. فكرهم بس مش عارف ليه نسيوني.. اديني لسة بتعلم.. فيه ناس بخسرها بتقدم.. وناس بكسبها بتندم وكله نصيب.
