رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

الفنانة عنبر: تخليت عن حلم الأمومة لأن والدتي كانت أهم عندي من إني أكون أم

الفنانة عنبر
فن
الفنانة عنبر
السبت 07/يناير/2023 - 08:33 م

تحدثت الفنانة عنبر، عن والدتها الراحلة، مؤكدة أنها تخلت عن حلم الأمومة من أجل والدتها، معربة عن حزنها الشديد لفقدانها.

وقالت عنبر، باكية خلال حوارها مع الإعلامية ياسمين عز، في برنامجها كلام الناس: مامتي كانت كل حياتي، وفقدت حاجات كتير بعد وفاتها لأنها كانت بالنسبة ليا الحب الحقيقي والشيء اللي مايتعوضش وكل حاجة كانت حلوة في وجودها، وبعد ما راحت راحت معاها حاجات كتير أوي.

ضحيت بـ أمومتي عشان أمي

وأردفت قائلة: أنا ضحيت بـ أمومتي عشان أمي لأنها ضحت بحياتها عشاني وادتني كتير أوي، دي أقل حاجة أعملها ليها حتى لو على حساب نفسي، ده رزقي في الحياة وأنا راضية بيه والمهم إني مقصرتش في حقها وأنا بنتها الوحيدة وكنت كل حياتها، ولما عملت ده الزمن خدني والشغل أخدني واهتمامي بيها لأنها كانت مريضة لعمر من الزمن، مكنش ينفع إني أخلف لأنه كان هياخد من اهتمامي ورعايتي ليها، وهي كانت عندي أهم من إني أكون أم.

وأضافت: ربنا عوضني بحب الناس وأصحابي وجوزي والناس اللي بتحبني، وأكيد كان نفسي أكون أم لأني بحب الأطفال جدًا، ولكن هي كانت أهم من أي طفل في العالم، وأتمنى أن ده ربنا يجعله في ميزان حسناتي ويعوضني خير وكل شيء نصيب، وربنا يجعل كل مرضها في ميزان حسناتها، وفداها الدنيا وما عليها والحمد لله إن ربنا قدرني إني أكرمها لغاية ما وصلتها لـ مثواها الأخير.

تابع مواقعنا