مرتضى منصور: سيد عبد الحفيظ عنده حق يضرب الحكام ومستعد لتقسيط غرامة كهربا
وجه مرتضى منصور رئيس الزمالك، تحية خاصة لحسام حسن المدير الفني لفريق المصري البورسعيدي، ولاعبيه على المباراة الجيدة التي قدموها أمام الأهلي خلال مسابقة الدوري الممتاز.
وسخر مرتضى منصور في تصريحات تليفزيونية، من مهاجم الأهلي شادي حسين قائلًا: كويس أن سيراميكا كليوباترا خلصت من شادي حسين.
وأضاف رئيس الزمالك: سيد عبد الحفيظ عنده حق يضرب الحكم لأن المفروض الحكم ميصفرش إلا لما الأهلي يجيب جون، حتى لو قعدنا 3 أيام، ومنتظر أشوف لجنة المسابقات برئاسة عامر حسين هتعمل إيه.
وأشاد مرتضى منصور بحكم مباراة المصري والأهلي وليد عبد الرازق، معقبًا: الحكام الشباب لم يلوثوا عكس الحكام النجوم اللي بيخافوا من أحمد شوبير.
مرتضى منصور: معندناش حد بيعمل مؤامرات على مدرب
وواصل رئيس الزمالك: معندناش حد بيعمل مؤامرات على مدرب، وامشي فيريرا إزاي وعندنا ماتشات مهمة واللي عامل مؤامرة جامايكا بتاع السحر، ياريت بس كل لاعب يلعب في مكانه ومعدش حد مش فاهم كرة الناس كلها فاهمة.
وأكمل: الأهلي خسر نقطتين دون تدخل الحكام على عكس اللي بيحصل معانا، ونخسر بسبب التحكيم، ولجنة المنشطات حصلت على العينات من أحمد فتوح وعبد الله جمعة، وسيتم إرسال العينات لبرشلونة واللاعبان أجريا هذا التحليل من قبل 3 مرات وكان سلبيًا.
وعلق مرتضى منصور على أزمة كهربا، مؤكدا أنه مستعد لتقسيط العقوبة له، قائلًا: هات أبوك وتعالى النادي وقول مين اللي حرضك على الهروب، وهقسطلك بالتقسيط المريح، ومعايا بيان يا كهربا بكل ممتلكاتك وهحجز عليك ومش هتعرف تهرب من الدفع.
