زيزو يعتذر لجماهير الزمالك بعد الخروج من كأس مصر
اعتذر أحمد سيد زيزو لاعب نادي الزمالك لجماهير الأبيض، بعد الخسارة أمام بيراميدز بالأمس الإثنين، والخروج من بطولة كأس مصر.
وخسر فريق الزمالك أمام بيراميدز عن طريق ركلات الترجيح، بنتيجة 4/3، بعدما انتهى الوقت الأصلي والإضافي بالتعادل، حيث أهدر ثنائي الزمالك أحمد سيد زيزو وشيكابالا ركلتي جزاء للأبيض مما تسبب في خروج الزمالك من البطولة.
زيزو يعتذر لجماهير الزمالك بعد الخروج من كأس مصر
وكتب زيزو عبر صفحته على موقع التواصل الاجتماعي، انستجرام: أولا الحمد لله وقدر الله ما شاء فعل، زي ما بتبقى مبسوط بالدعم والحب والمساندة لازم كمان تتقبل الوجه الأخر السيء، وهي دي ضريبة الحياة، والمسؤولية تقدر تخليك في يوم أحسن واحد فالدنيا، وتقدر تخلي الناس تنسى كل حاجة أنت ممكن تكون عملتها.
وأضاف زيزو: عشان كده واجب عليا فالمواقف والظروف دي أني اعتذر، عمري ما عرفت أهرب ولا استخبى من أي حاجة، ولا عمري هعمل كده، تقبل أو ترفض دا من حقك، ولكن كان واجب عليا تقديم الاعتذار، زي ما دايما بقدم الشكر على الحب، قادر اتحمل المسؤولية كاملة، وقادر كمان أعديها، لكن خليكوا في ضهر ناديكم ولاعبيكم لأن في المواقف الصعبة بتبان فعلا معادن الرجال.. شكرا.
