بدرية طلبة توجه نصيحة لطلاب الثانوية العامة: ذاكر عشان متديش فرصة لحد يشمت فيك
وجهت الفنانة بدرية طلبة رسالة إلى طلاب الثانوية العامة، ناصحة إياهم بالاجتهاد.
وكتبت بدرية طلبة عبر حسابها بـ إنستجرام: رسالة لولادي وحبايبي طلاب الثانوية العامة 2023.. ذاكروا يا جماعة والله مفيش فرحة تعادل إنك تعيش إجازتك في سعادة.. وتدخل الكلية اللي بتحلم بيها طول عمرك.
وأضافت بدرية: خليك دايما متفاءل.. خليك مع ربك.. أهم حاجة اسهر واتعب وذاكر عشان تلاقي في الآخر ثمرة مجهودك، ومش هقول لك أقفل على نفسك والجو ده.. لا أخرج والعب وروح وتعالى.. بس بحدود ودايما تكون المذاكرة هي نمبر وان في حياتك.
وتابعت بدرية طلبة: وبإذن الله ربنا مش هيخذلك.. وربك بيقول في حديث قدسي: “أنا عند حسن ظن عبدي بي فليظن عبدي بي ما يشاء”.
وتابعت: ذاكر عشان متديش فرصة لحد يشمت فيك.. وخليك واثق إن ربنا مش هيضيع تعبك ومجهودك وفكروا في فرحة أهلكم يوم النتيجة، ولو التعب مجاش وقت النتيجة هييجي في أي وقت.. ربنا ما بيضيعش حاجة عنده.. هيفتح ليكم 100 باب تدخلوا منه.. وخليكوا واثقين إن ربنا هيحقق لكم حلمكم.. أنت قدها يا ولاد.. ربنا بيقول: “إِنَّا لا نُضِيعُ أَجْرَ مَنْ أَحْسَنَ عَمَلا”.
أحدث أعمال بدرية طلبة
ومن ناحية أخرى، تشارك الفنانة بدرية طلبة في مسلسل ضرب نار مع الفنانة ياسمين عبد العزيز وأحمد العوضي والمقرر عرضه في المارثون الرمضاني المقبل، إلى جانب مشاركتها في مسلسل رمضان كريم الجزء الثاني.
