السيسي: مش عاوزين ننسى الحالة اللي قعدنا فيها سنين.. ولو قدروا علينا كانوا دبحونا
قال الرئيس عبد الفتاح السيسي، إن الترقية لأحد أبطال الشرطة الذي أصيب بقطع بأحد أجزاء جسده فداءً للوطن شكلا من أشكال العرفان والتقدير، ولكل من قدم هذا العمل من الشرطة أو الجيش، موضحًا: لكل اللي مش موجودين معانا، عمليات مواجهة الإرهاب أفرزت شهداء ومصابين كتير.
احتفالية عيد الشرطة الـ 71
وأضاف السيسي، خلال احتفالية عيد الشرطة الـ 71: ويهمني أقول للناس في مصر مين يعوض على طارق ده؟، ياللي بتسمعونا، في رجال زي طارق كتير منهم اللي قدم روحه وحتة من جسمه، عشان خاطر مصر تكون في آمان وسلام، والمقابل هو تقدم الدولة واستقرارها.
وتابع السيسي: مش عاوزين ننسى الحالة اللي قعدنا فيها سنيين، وكانوا لو قدروا علينا كانوا دبحونا، بفضل الله وبكرم منه إحنا الموجة دي استطعنا القضاء عليها بنسبة تقرب من 100%، بأبناء مصر من الأسر البسطية في كل أنحاء مصر.
ووصل الرئيس عبد الفتاح السيسي، صباح اليوم، إلى احتفالية عيد الشرطة الـ 71، بمجمع المؤتمرات بأكاديمية الشرطة بالتجمع الخامس.
ووضع الرئيس عبدالفتاح السيسي، فور وصوله، إكليلًا من الزهور على النصب التذكاري بأكاديمية الشرطة، بمناسبة الذكرى الـ 71 للاحتفال بعيد الشرطة.
