مرتضى منصور: فيه حاجه غريبة حصلت لـ فيريرا.. وده وقت جماهير الزمالك

علق المستشار مرتضى منصور رئيس نادي الزمالك على رحيل البرتغالي جيسفالدو فيريرا المدير الفني للفريق، وتولي أسامة نبيه تدريب الأبيض خلفًا له.

بعد رحيل جهاز فيريرا.. الزمالك يبحث عن مدرب أحمال أجنبي

جلسة خاصة بين مرتضى منصور وثلاثي فريق الزمالك

وقال مرتضى منصور على هامش اجتماع المجلس مع الجهاز الفني الجديد: فيريرا شخصية محترمة ومدرب ممتاز بس فيه مشكلة، إحنا اشتغلنا معاه كتير في 2015 والجماهير طالبت بعودته مرة أخرى، وجبناه واشتغل معاه أسامة نبيه، ووفرناله جميع سبل الراحة والنجاح.

وأضاف رئيس نادي الزمالك في تصريحاته عبر قناة الزمالك: كل الجهاز المعاون لفيريرا حاولوا بقدر المستطاع تنفيذ طلباته، ومفيش أي حجة ليه، بس فيه حاجة مش طبيعية حصلتله.

فيه حاجة غريبة حصلت لفيريرا

وأوضح مرتضى منصور: فريق الهلال السعودي اللي كسبناه قبل كدا في بلده، على كأس السوبر المصري السعودي، خسرنا منه في قطر بنفس البطولة، وبعدها من الأهلي في السوبر المصري، وبعدها الخروج أمام بيراميدز في الكأس، 3 بطولات مرة واحدة، يبقى كدا فيه حاجة غلط.

أكمل: إحنا خدنا قرار رحيل فيريرا بكل عناية، من بعد مباراة الأهلي والخسارة الثقيلة بثلاثية، وأجلناه لحين انتهاء مواجهة غزل المحلة، ولو كنا قلناه قبل الماتش كانوا قالوا إحنا السبب.

وشدد مرتضى منصور في نهاية حديثه: إحنا محتاجين الجميع يقف وراء الجهاز الفني الجديد، وكل اللي بيحب الزمالك، ده وقت الدعم مش الهدم، وننتظر حضورهم في المباريات من أجل عودة النتائج مرة أخرى.