رضا إدريس: بدخل البلاتوه زي الغُرب.. واللي زينا بياخد فتات النجوم
تحدث الفنان رضا إدريس عن كواليس تعاونه مع كبار النجوم مثل الفنان عادل إمام، إلى جانب ذكريات أجواء التصوير في ذلك الوقت.
وقال رضا إدريس لـ القاهرة 24: كنا أصدقاء وحبايب وكان فيه ألفة ومحبة وجدعنة، وعادل إمام كان بيسأل عليا ويقول ليه مش معانا في الفيلم أو المسلسل اللي بيشتغل فيه، مستكملًا: كواليس زمن الفن الجميل ما تتكررش، لكن دلوقتي الحكاية باظت، النهارده بدخل البلاتوه زي الغريب والشباب فيهم المحترم وفيهم اللي مش بيتعاون وحاسس نفسه نجم، وبتحصل حاجات غريبة.
وأضاف: فيه ناس اعتزلت وفيه ناس قاعدة في بيوتها، وفيه ناس بتشحت، والبعض اتجه للتيك توك، ومش موضوع فن ولا مواهب ولا دراسات أي حد عاوز حاجة يعملها، مردفًا: اللي بيحصل مش فن، لكن بناكل عيش وعاوزين نعيش واللي زينا بناخد فتات النجوم اللي منهم بيعمل عمل ويطلع مشهدين تاني عمل يعملوه بطل بكل سهولة، واللي عملوا عيل ما عملوش عبد الحليم حافظ واللي كسبوا عبد الحليم ما يجيش يوم في حياة هؤلاء.
أحدث أعمال رضا إدريس
من ناحية أخرى، يشارك رضا إدريس في مسرحية بعنوان همام وعصابة الضباع مع إيهاب مبروك وإبراهيم الملاح، إلى جانب مجموعة من الأطفال والشباب، ومن المقرر عرضها في الإسكندرية، كما يشارك رضا إدريس الفنانة نيلي كريم ويسرا في مسلسل بالطو روز وليلى، المقرر عرضه على إحدى المنصات، إلى جانب مشاركته في سيب وأنا أسيب والذي يضم مجموعة كبيرة من الفنانين منهم هنا الزاهد ومحمد جمعة ومحمود البزاوي وعارفة عبد الرسول وغيرهم.
