هالة صدقي: بخاف اشتغل مع مخرج معرفوش.. ونفتقد كُتّاب الكوميديا الخاصة بـ النساء
تحدثت الفنانة هالة صدقي عن تجسيدها لأدوار الكوميديا، بجانب رأيها في الأعمال الكوميدية، وذلك خلال ندوتها في مهرجان الأقصر للسينما الإفريقية.
وقالت هالة صدقي خلال ندوتها بالمهرجان: فيلم يا دنيا يا غرامي النص كان شويه ضلمة وتعاونّا واشتغلنا على الفيلم، ومسلسل أرابيسك مكنش كوميدي وزيزينيا كان عمل درامي.
وأضافت هالة صدقي: النص اللي معاك هو اللي بيقول هل يحتمل أنك تضحك ولا لاء، وفي مسلسل ونوس كان عندي السكة مفتوحة في الكوميدي، وأنا مش بعمل كوميدي عشان محدش بيكتب كوميدي.
واستكملت صدقي حديثها: احنا بنفتقد الكتاب اللي بيكتبوا كوميدي خاصة للست، في حاجات لو الراجل قالها تنفع، ولكن مينفعش الست تقولها، ودي حاجه بتخوفني لما اشتغل مع مخرج مش عارفاه، اللي بيعمل لايت كوميدي ده بيعرف يعمل كل الأنواع.
آخر أعمال هالة صدقي
تشارك هالة صدقي في الماراثون الرمضاني 2023 بمسلسل العمدة، والمسلسل يضم عدد كبير من النجوم أبرزهم: محمد رمضان، منة فضالي، إيمان العاصي، مي كساب، زينة، وعدد آخر من الفنانين، والعمل من تأليف وإخراج محمد سامي، وتدور أحداثه في إطار اجتماعي درامي.
