كريم الحسيني: أشارك في فيلم الحب بتفاصيله بـ 3 أدوار | فيديو
كشف الفنان كريم الحسيني تفاصيل دوره في فيلم الحب بتفاصيله بطولة محمد نور، الذي يعرض الآن بجميع دور العرض السينمائية.
وتحدث الفنان كريم الحسيني عن تجربته في فيلم الحب بتفاصيله بطولة محمد نور، وذلك خلال لقائه مع القاهرة 24، قائلًا: داخل فيلم الحب بتفاصيله بـ 3 أسامي مؤلف وممثل ومخرج، دوري راجل أعمال متجوز وقاعد في البحرين، وعامل جوز اخت محمد نور، والبطل بيكون مقدم على الزواج، وبيشوف علاقة أخته بجوزها، الكواليس كلها كوميديا ومقالب، ومحمد نور دمه خفيف جدًا، وكل الفنانين كان بينهم حب.
وتابع كريم الحسيني: التحضيرات أخدت وقت طويل جدًا لو بتحب حاجة هتعملها، والتحضير أهم حاجة؛ لأن الأهم من الشغل تظبيط الشغل، الكتابة أول حاجة بعد كده تمثيل، وكنت بخرج وأنا بمثل هناك في البحرين، ومحمد مختار اللي كاتب معايا الفيلم هو المخرج المنفذ برضو، كان عيني اللي بشوف بيها هناك.
وعن المنافسة مع فيلم كريم فهمي أنا لحبيبي، قال كريم الحسيني: أنا شايف إن المنافسة جميلة، ولازم نعمل حاجة حلوة، وإحنا سلعة ترفيهية، ومهمتنا الترفيه للجمهور ونقدم رسالة، ولازم يبقى في مسرح ناجح.
كريم الحسيني يكشف عن أعماله الفنية المقبلة
واختتم كريم الحسيني حديثه عن أجدد أعماله الفنية، قائلًا: عندي فيلم على الـosn اسمه أسود غامق من تأليفي، الفيلم تشويق جريمة قتل، وعندي مسرحية خطة كيوبيد.
