دنيا سمير غانم: الفن بكل أشكاله يقدر يعالج ويسعد الناس
أعربت الفنانة دنيا سمير غانم عن سعادتها بحضورها معرض رسومات الأطفال الذي يحمل اسم ارسم مستقبلك، ونظمته اليونسيف، في المتحف الكبير.
وقالت دنيا سمير غانم لـ القاهرة 24: فخورة جدًا بكل الأطفال واللوحات بتاعتهم المبهرة وبتحكي قصص مش لوحات عادية، مكنتش فاكرة إن اللوحات أكبر من سنهم، وريتني قد إيه الفن بيعمل معجزات، كنت عارفه إني هاجي واشوف لوحات حلوة بس مش بالجمال ده وتفاصيل وألوان حلوة أوي واللوحات بتعبر عنهم أوي وأكبر من سنهم وفيها عمق وطلعوا اللي في قلبهم.
وأضافت دنيا: المهم إنهم يعبروا عن نفسهم ويتجاوزوا أي حاجة صعبة شافوها في حياتهم، عايزة اشكر اليونسيف وشركائها على الدعم النفسي للأطفال، فخورة بالأطفال واتمنالهم كل التوفيق، وعايزة أقول لكل الناس الفن بكل أشكاله بيقدر يعالج ويسعد.
آخر أعمال دنيا سمير غانم
تعد مسرحية آنستونا هي آخر أعمال دنيا سمير غانم الفنية، وشاركها العديد من الفنانين، منهم: بيومي فؤاد، سامي مغاوري، عمرو عبد العزيز، كريم عفيفي، صلاح الدالي، أحمد محارب، بسنت صيام، كريم سامي، أحمد عبد الوهاب، عبد العزيز التوني، مريم السكري، والمسرحية من تأليف كريم سامي وأحمد عبد الوهاب، وتحت قيادة المخرج خالد جلال، وشارك أيمن بهجت قمر في المسرحية من خلال كتابة كلمات الأغاني ولحنها عمرو مصطفى.
