هالة صدقي عن التبرع لسوريا: من ساعة الزلزال مش بنام وحاسة الناس مش مهتمة | خاص
أعلنت الفنانة هالة صدقي تبرعها لسوريا، وبخاصة الأطفال بعد الزلزال المدمر الذي شهدته البلد مؤخرًا، ونجم عنه أضرار كارثية.
وقالت هالة صدقي عن تبرعها لـ القاهرة 24: فكرت في الموضوع إنسانيا، وأنا من ساعة الزلزال مش بنام وبتخيل أن ولادي ووأخويا وولاد حد عزيز في نفس الموقف.
وأضافت هالة صدقي: حطيت نفسي مكانهم لو بقيت نايمة في الشارع وفقدت أهلي، لأن مهم نحط نفسنا مكانهم.
مهم إننا نحسسهم إننا حاسين بيهم
وتابعت هالة صدقي مستنكرة: حاسة الناس مش مهتمة وده مضايقني، والدولة كتر خيرها بعتت مساعدات لكن إحنا كفناين مهم إننا نحسسهم إننا حاسين بيهم ومش في عالم آخر.
ونشرت هالة صدقي عبر حسابه بـ انستجرام، صورة من تبرعها، وعلقت كاتبة: هدية بسيطة جدا لأطفالنا في سوريا، وللأسف عمري ما قلت أنا بتبرع بإيه لأن الإيد اللي بتعطي باليمين لا تراها الشمال، ولكن حبيت أقول لكم إني أطفال سوريا ربنا أحياهم من جديد ومؤكد محتاجين كل الحب والاهتمام والدعم.
وأكدت هالة صدقي: البوست ده مجرد تذكرة لكل الشعوب لإنقاذ ولادنا وأهالينا من سوريا، البشرية والإنسانية ليس لها علاقه بالسياسة، أرجوكم. بشكر المهندس رأفت سلام اللي قدر يوفر لي كل المنتجات في يوم عمل شاق للحاق بالطائرة المتجهة لحلب.
هالة صدقي في رمضان 2023
على جانب آخر، تخوض هالة صدقي الماراثون الرمضاني هذا العام من خلال مشاركتها في مسلسلي العمدة مع محمد رمضان ومسلسل سر السلطان مع المخرج خالد يوسف وبمشاركة مجموعة كبيرة من النجوم.
