الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

تامر عبد المنعم بعد استقالته من غرفة صناعة السينما: لازم نهتم بتطوير الفن.. ليه بناقش حاجات تقلل مننا؟

تامر عبد المنعم
فن
تامر عبد المنعم
الجمعة 17/فبراير/2023 - 09:46 م

كشف الفنان تامر عبد المنعم تفاصيل استقالته من غرفة صناعة السينما، مشيرًا إلى أن الغرفة تهتم بمشكلات تقلل من صناعة السينما ذاتها ويجب التركيز أكثر على تطوير الفن في مصر.

وقال تامر عبد المنعم خلال لايف عبر حسابه بموقع التواصل الاجتماعي فيسبوك: أنا قدمت استقالتي من غرفة السينما بسبب أزمة شركة إنتاج، لأن محامي الشاكي توجه بخطاب بيشكو فيه الغرفة، وفيه ناس بتقول أحنا مش جهة عشان نطلع قرارات، لو أنا مش جهة يبقى مقعدش في جلسات زي دي وميصحش أطلع صغير دا أنا مدير، وكل اللي في الغرفة مش صغيرين.

وأضاف عبد المنعم: حد بيقولي غرفة صناعة السينما متقدرش تمنع حد، دا على أساس أن الغرفة ممنعتش أحمد السبكي لما اتخانق مع وائل الإبراشي والغرفة اتقلبت ساعتها عشان يوقفوا السبكي؟.. ما بتعرفوا تمنعوا أومال ليه مش بتمنعوا الظالم وتجيبوا حق الشاكي؟ وكفاية نناقش مواضيع بتقلل مننا والأحسن ندور إزاي نطور الصناعة.

ووجه تامر عبد المنعم تحية للمملكة العربية السعودية بسبب حالة النهضة الفنية التي تعيشها، قائلا: أنا بحيي السعودية لأنهم نوروا المسارح وخلقوا صناعة سينما جديدة ولهم أفلام بتتعرض في مصر، ولازم نفكر إزاي نطور الكيان المصري لأن دلوقتي فيه منافسة، والحمد لله المتحدة عاملة توازن وبنشوف أقوى المسلسلات في رمضان وكفاية المسلسل العظيم الاختيار، لكن مينفعش نقف قدام مشاكل تقلل مننا وخناقات ومين أخد فلوس من مين.

استقالة تامر عبد المنعم من غرفة صناعة السينما

وكان تامر عبد المنعم أعلن استقالته من غرفة صناعة السينما عبر حسابه على موقع فيسبوك بسبب شكوى ضد شركة إنتاج، وكتب: اعتدت في عملي الإداري منذ 17 عاما على الصرامة والجدية والمواقف الواضحة ولذلك تقدمت باستقالتي من غرفة صناعة السينما.

تابع مواقعنا