شاهد على دهس الشاب محمد ضياء.. السواق كان سايق بجنون ومش مركز في الطريق | خاص
حددت المحكمة المختصة، 26 فبراير المقبل، أولى جلسات محاكمة المتهم كريم.ع.س في القضية التي حملت رقم 18392 والمتهم بدهس الشاب محمد ضياء ضحية حادث دهس المعادي.
حصل القاهرة 24 على نص التحقيقات في واقعة دهس الشاب محمد ضياء بعد تعرضه لحادث دهس بشارع الخمسين بمنطقة زهراء المعادي بالقاهرة، لقيادة شاب متهور كان يسير بالسيارة بسرعة جنوينة تسبب في وفاته.
وألقت الأجهزة الأمنية القبض على المتهم بدهس محمد ضياء وتم إحالته إلى جهات التحقيق، واستدعت أحد الشهود في الواقعة وجاءت أقواله كالآتي: اللي حصل ان في يوم الخميس الموافق 24 نوفمبرلسنة 2022 الساعة 10 ونص بليل كنت في شارع الخمسين في طريق الخدمة وكنت واقف أنا والمتوفى إلى رحمة مولاها محمد ضياء الدين محمد بناكل وهو قالي انا هعدي أجيب بيبسي ومياه من الناحية التانية من الشارع ولما كان المتوفي لسه بيحط رجله على الطريق ورجله التانيه لسه علي الرصيف جتب عربية لونها أسود بسرعة كبيرة كانت بتاخد غرزة من عربية قدامها شالت المتوفي وخبطته ووقعة على الأرض بنزف روحت انا جريت عليه ووقفت اللي سابق العربية طلبنا الأسعاف وأخدنا المتوفي على مستشفى مبرة المعادي قبل ما نوصل المستشفي عرفنا انه اتوفي خلاص علشان الدم الكثير اللي نزف منه وبعد كده روحنا على القسم عملنا محضر وجينا على هنا.
