مدحت العدل: انبهرت بمسرحية تقدر لإحياء المسرح المدرسي
كشف السيناريست مدحت العدل تفاصيل مشاركته في مسرحية تقدر لإحياء المسرح المدرسي، كما تحدث عن علاقته الكبيرة بالمسرح المدرسي.
وقال مدحت العدل، خلال لقائه ببرنامج صاحبة السعادة الذي تقدمه إسعاد يونس: مصر كلها في الستينيات وإحنا أطفال كنا بنروح المسرح القومي، أنا خريج التوفيقية الثانوية، كان فيها مسرح وملعب أولمبي، أما زورتها ملقتش أي حاجة من دي، وزعلت جدًا، سامي العدل وعادل إمام خريج مسرح المدرسة، وخرجلنا عبد المنعم مدبولي أيضا.
وأضاف مدحت العدل: هذا التواصل شيء طبيعي ومنطقي، أول ما يقولوك مسرح مدرسي بتجيب فلاش باك لحياتك كلها، وتشرفت إن هما اختاروني، أول حاجة انت تقدر تبقى كل حاجة، وكل إنسان على قد حاله لازم يحلم، محمد صلاح من نجريج وبقى محمد صلاح العالمي، وكان لازم نقدم هذا النموذج في قالب جمالي، والفنانين طلعوا باساميهم، والمخرجة بتول دؤوبة وتعبت أكتر مني بكتير، أول مرة شوفت عرض في الأوبرا انبهرت، وأنا صعب إني انبهر والفنانين كلهم رحبوا.
عودة إسعاد يونس
وكانت أعربت الفنانة إسعاد يونس عن سعادتها الكبيرة لعودته لبرنامج صاحبة السعادة، حيث قالت: ديه أول حلقة أصورها بعد المحنة مفيش كلام يقدر يكفي الشغل اللي حبتوني بيه كلكم، والمساندة والمؤازرة، وكل شخص بعينه أنا بتوجهله بكل الشكر.
