زوج يتخلص من زوجته خنقا أمام أبنائها بالإسكندرية.. وجيران الضحية: فتح دماغها قبل كدا ورجعتله علشان عيالها | لايف

بدأت جهات التحقيق في محافظة الإسكندرية، التحقيق في واقعة مقتل ربة منزل على يد زوجها خنقا أمام 3 من أبنائها، وذلك بعزبة الرحمانية التابعة لدائرة قسم المنتزه شرق محافظة الإسكندرية.

أسرة المجني عليها تكشف التفاصيل

وقالت إحدى جيران المجني عليها إن المجني عليها كانت تتميز بحسن الخلق والسمعة الطيبة، وكان زوجها دائم الاعتداء عليها بالضرب، مضيفة: ضربها وفتح دماغها قبل كد في العيد.. وبسبب المشاكل المستمرة بينهم طلقها مرتين ورجعت له علشان عايزه تعيش.

وتابعت إحدى الجيران: آخر مرة اتخانق معاها وضربها وخبط دماغها في النيش وجت لأبوها خيطها 17 مرة، ومع ذلك كانت فرحانة وهي راجعة بيتها لما زوجها ردها، علشان معاها 4 أولاد وكانت عايزه تعيش وتربيهم.

وأشارت إحدى جيران المجني عليها إلى أن زوج المجني عليها اتهمها بأنها عملت له سحر، وهو ما دفعه لقتلها، مضيفة: مفيش حاجة من دي حصلت، ولو كانت عملت لزوجها عمل مكانش أهانها وضربها وعمل فيها دا كله وفي الآخر يقتلها.. إحنا عايزين حقها، وهي عندها 3 بنات وولد هيروحوا فين من بعد أمهم.

وأضافت جارة المجني عليها أن أهل المجني عليها يتميزون بالسمعة الطيبة، وأنهم عكس ما وصفهم به زوج المجني عليها من أنهم عملوا له سحرا، الأمر الذي دفعه لقتل نجلتهم، متابعة: أبوها كان بيصرف عليها، وأهلها ناس كويسين وهيموتوا من الزعل عليها.