الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

غادة إبراهيم: الرجالة بتخون دناوة وكل اللي بيقربوا مني متجوزين وستاتهم قمرات

غادة إبراهيم
فن
غادة إبراهيم
السبت 25/فبراير/2023 - 06:18 ص

نصحت الفنانة غادة إبراهيم الفتيات بعدم إكمال الخطوبة في حال الخيانة، مشيرة إلى أنها تعرضت للخيانة أكثر من مرة، كما تحدثت عن تأديتها لمناسك العمرة وزيارتها للسعودية للمرة الأولى.

 

وقالت غادة إبراهيم في تصريحات تليفزيونية: أنا ممكن أكتب كتاب عن الخيانة لأني من لما كنت مخطوبة وبتخان، وبحذر البنات اللي تبقى مخطوبة ويخونها عمره ما هيلتزم أمال لما يتجوز هيعمل إيه هتلاقيهم في سريرها، إوعي تكملي في العلاقة ودي كانت غلطة عمري إني أكمل مع واحد خاني في الخطوبة.

 

وتابعت غادة إبراهيم: الرجالة بتخون دناوة، وكل حد بيتقرب لي أو عاوز يرتبط بيا بيكونوا متجوزين وستاتهم ستات بيوت ومربين ولادهم أحسن تربية، ولو اللي عاوز يرتبط بيا زوج صاحبتي بدي الكلام سم، بسألهم يقولوا إيه يعني ما المفروض أتجوز مثنى وثلاث ورباع.

 

وكشفت غادة إبراهيم سبب خيانتها، قائلة: زي ما بيقولوا كعبك عالي على رجلك وشخصيتي أقوى من الراجل، لأني بكون وقفت معاه في البدايات ودا بيخليه حاسس إن فيه بطحة على رأسه طول الوقت وبقى فيه ندية ولازم تثبت أنك أحسن وأقوى.

 

وردت غادة إبراهيم على اتهامها بتعمد إثارة الجدل أو خلق تريند قائلة: عمري ما عملت تريند لكن عندي تلقائية في الردود وبكره الكدب وبرد بتلقائية شديدة وبردود مباشرة وانفعالية واللي في قلبي على لساني وجدتي من أمي تركية فعندنا العرق الشركسي.

 

وتحدثت غادة إبراهيم عن زياتها للسعودية قائلة: أول مرة أروح السعودية ومكة أعمل عمرة، لأن قبل كده كان لازم يكون فيه محرم دلوقتي الفيزا مفتوحة وأنا رايحة فيزا سياحة، وروحت أتوسل عند ربنا يتقلبني زي ما أنا وعملت عمرتين واحدة ليا وواحدة لوالدي.

 

وأضافت: دعيت وقلت اللهم استجب دعائي ولا ترد لي دعاء وحسبنت على اللي ظلموني، وعارفة إني المفروض أنسى في العمرة ولكن افتكرت الظلم.

 

كما كشفت غادة إبراهيم عن رأيها في تصريحات ياسمين عز، قائلة: أنا مش بكرهها وممكن تكون بتعمل كده علشان التريند أو إثارة جدل. 

 

وأضافت: بشكل عام أنا رأيي الشخصي مفيش راجل يمد إيده على ست ومفيش راجل طالع من بيت محترم يضرب ست أو يهنيها لو مش عاوزها يهجرها، حتى في الدين إن الراجل يهجر مراته أقسى درجات العقاب لو عملت حاجة إنما شتيمة وضرب قدام أطفال لأ.

تابع مواقعنا