أنوشكا عن المهرجانات الشعبية: منقدرش نغفل وجودها وأنا من أنصار الحرية
كشفت الفنانة أنوشكا رأيها بالمهرجانات الشعبية، مؤكدة أنها ظاهرة موجودة ولا يمكن إغفالها، بجانب الحديث عن أنواع الغناء الأخرى.
وقالت أنوشكا لـ القاهرة 24: أنا من أنصار الحرية كل شخص يقدم ما يراه مناسبا لنفسه وبيئته، ومنقدرش نغفلها ولكن الأصح أن الشخص يتيح المجال لكل أنواع الغناء، زي ما فيه مهرجانات فيه كلاسيكي ومجال للأوبرالي، لأن مصر لديها مطربين مصريين على الساحة العالمية في فن الغناء الأوبرالي ولدينا أسماء في غاية الرقي والجمال من الرجال والنساء.
أنوشكا: الموهبة هدية من الله والفنان معندهوش دخل ثابت
سبق أن تحدثت أنوشكا عن صعوبات مهنة التمثيل، وقالت في تصريح سابق لـ القاهرة 24: مفيش شيء مضمون ومقدرش أقول إنها أصعب مهنة ولا إنها سهلة، ولكن ممكن تكون متعاقد على عمل ولكن ظروف تحصل زي الكورونا والإنتاج قل ومش كل الناس اشتغلت وأغلبهم كانوا في البيت، وكل يوم جديد كل يوم ظرف جديد.
وواصلت أنوشكا: الواحد مش بيكون عارف رزقه، ومفيش شيء ثابت ممكن النهاردة تعمل عمل كبير وتقرر تاخد أجر قليل، وممكن تعمل عمل تاني ربنا يكرمك فيه، أو زميل يطلب منك تشتغل معاه وتجامله وإحنا كـ فنانين بنقف جنب بعض، وفي النهاية الموهبة هدية من الله، ولو بتحب اللي بتعمله هتعمله بيسر، ولكن لو مش بتحبه مهما كان العمل سهل هتعملها بصعوبة.
