الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

هند عاكف: متفائلة بانتخابات نقابة المهن التمثيلية.. وأول حاجة هعملها لو نجحت هطبق القانون

هند عاكف
فن
هند عاكف
الجمعة 03/مارس/2023 - 11:27 ص

أعربت الفنانة هند عاكف عن سعادتها الشديدة بترشحها في انتخابات نقابة المهن التمثيلية، كما كشفت عن خطتها حال فوزها في مجلس إدارة النقابة.

 وقالت هند عاكف، في تصريح لـ القاهرة 24: أنا مبسوطة ومتفائلة، وشايفة إن الدنيا جميلة، وكلنا بنحب بعض، وكلنا زملاء، واللي ينجح ربنا يوفقه ويكرمه، ويقدر يفيد النقابة بجد، أنا نفسي أعمل حاجات كتير للزملاء.

وتابعت: أول حاجة هعملها لما أنجح أطبق القانون وألتزم بيه، الناس بتقول تشغيل النقابة قليل، ولو عملت القانون كل الناس هتشتغل، أنا لو عملت الـ 10% اللي النقابة مصرحة بيها، هيبقى عندي 90% أعضاء نقابة، ودي أول حاجة لازم أطبقها، لازم نلتزم بتطبيق القانون، ولازم دخل النقابة علشان المعاشات، أنا هزود المعاشات إزاي والنقابة دخلها قليل، لازم نسعى وراء هذا الهدف، ونحاول نزود دخل النقابة. 

وعن المنافسة على مقعد النقيب، قالت هند عاكف: ربنا يولى من يصلح، وأنا بحترمهم كلهم من أول الدكتور أشرف زكي، وكلهم الصراحة ناس مثقفين، ونفسي يبقى في 3 لمقعد النقيب مش واحد، وهنبارك للنقيب في الآخر.

هند عاكف: خدمت 10 سنين في المجتمع المدني.. واكتسبت خبرة كبيرة

واختتمت هند عاكف: قعدت 10 سنين خدمة في المجتمع المدني، اكتسبت خبرة كبيرة، والناس شافت هند بتخدم إزاي لملايين، ومش بقول غرور وبحب الخير.

تابع مواقعنا