هشام عاشور: الفن هو صورة للحياة ولازم نقدم الواقع.. وفيلم الملحد جرئ
كشف الفنان هشام عاشور تفاصيل مشاركته في فيلم الملحد لـ إبراهيم عيسى، والمقرر عرضه قريبًا، بجانب الحديث عن أهمية تجسيد قضايا الواقع في الأعمال الفنية.
وقال هشام عاشور لـ القاهرة 24: فيلم الملحد مثير للجدل وجرئ ولكن السينما لازم تكون كدا، واحنا مبنفكرش قبل ما نشتغل العمل جرئ ولا لا وبنعمل اللي موجود في الاسكريبت، وأنا بعمل مشهد واحد ولكن قوي خلال أحداث الفيلم وحتى الآن مش عارفين مصيره وهينزل امتى.
وواصل عاشور: الفن هو صورة للحياة ولازم نقدم اللي بيحصل في الحياة وموجود والناس بتحاول تقنع نفسها إن دا عيب وحرام ومش موجود ولكن بيحصل.
كما علق هشام عاشور على الانتقادات التي تعرضت لها منى زكي بسبب ظهورها بالحجاب في مسلسلها الجديد تحت الوصاية، قائلا: دايما فيه انتقادات والناس بقت بتقف لـ منى زكي على الواحدة، ولكن في النهاية الشعب لذيذ وبيروح وييجي.
هشام عاشور يرد على منتقدي تعاونه مع نيللي كريم
وسبق ورد هشام عاشور على منتقدي تعاونه مع نيللي كريم في مسلسل عملة نادرة، والمقرر عرضه في الموسم الرمضاني المقبل 2023، وقال في تصريح سابق لـ القاهرة 24: أنا معملتش أي مشاهد مع نيللي كريم حتى الآن في مسلسل عملة نادرة، وبقالي 10 سنين بدرس تمثيل في أمريكا ودرست مدارس تمثيل كتير، واشتغلت بعيد عن نيللي كريم في مسلسلات قبل كدا، ولكن قريب هنوقف ونعمل حاجات جديدة ومش هتعاون معها الفترة المقبلة.
