الجمعة 01 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أولادي بيصعب عليهم يزعلوني ومش عارفة ممثلتش تاني ليه.. أبرز تصريحات أنغام مع عمرو أديب

أنغام وأولادها
فن
أنغام وأولادها
الأحد 19/مارس/2023 - 03:35 ص

أجرت الفنانة أنغام مقابلة مع الإعلامي عمرو أديب، على هامش حفلها ليلة صوت مصر، الذي أُقيم أول أمس على مسرح أبو بكر سالم، بالمملكة العربية السعودية، وتحدثت خلال اللقاء عن تفاصيل تحضيرات الحفل وحياتها الشخصية.

 

ونستعرض لكم أبرز تصريحات أنغام عن ليلة صوت مصر في لقائها مع عمرو أديب

 

 - وأنا بعمل حفلة ليلة صوت مصر كان شعور غريب يمكن الواحد بيتسرق وهو ماشي في المشوار والدنيا بتاخدنا والشغل والإنتاج، مش قادرة أقول عمري أتسرق بالعكس.

 - محسيتش إني عملت كل اللي أنا عايزاه ولكن احترمت اللي أنا عملته لأني أنجزت، العمر اللي عدى ده أكتر من 30 سنة إنجاز، وهقول الحقيقة إني بدأت وأنا عندي 15 سنة.

 - وأنا صغيرة أوي كنت بسمع كل أنواع المزيكا، وأنا 5 سنين غنيت قصيدة أشواق للأستاذ رياض السنباطي، حفظتها بدون ما أقصد واتعلمت المغنى العربي على أصوله.

 - تاريخ الفنان بيتعرض في حفلة لما يموت أو نكون عجزنا أوي، والحمدلله دا توقيت مناسب لـ ليلة صوت مصر لأني بصحتي وإني أعرض معظم تاريخي الفني.

 - نجاح حفلاتي بمجهود غير عادي ومتعة، وحلاوة الروح اللي الجمهور بيدهالي، أنا ربنا كارمني بالناس اللي بتسمعني هما شبهي بيحبوا ذوقي وأنا ذوقهم وببقى في قمة الشوق ليهم.

 - سجن الأغنية الناجحة أسوأ حاجة أن تفكر تعمل زيها.

 - تعبت في مشواري من صغري، ونصيحتي لـ الفنانين المبتدئين يصدقوا نجاحهم ويثقوا في نفسهم، ولازم يوزنوا موهبتهم ويشوفوا ربنا إداهم إيه وينجحوا بطريقتهم، بس ميصدقوش النجاح بسرعة أوي.

 - أنا ياما أتقالي أن ده ممكن ميعجبش أوي ولكن كنت مصدقة اللي بعمله.

 - الشغلانة كلها متعبة ولو مش بتحبها وهي شغفك وحياتك هتتعب أوي وتبطل، ولكن هي حياتي ومتعبة للي زيي اللي موسوسين وبدقق في التفاصيل، ويمكن ده اللي منجحني وعمري ما غيرت طريقتي.

 - مش عارفة ممثلتش تاني ليه، ومش عارفة إيه اللي ممكن أعمله في المرحلة دي ولكن ممكن يتعرض عليا أمثل وممكن لأ وأفضل في الغناء بس.

 - ابني الكبير عنده 25 سنة والصغير 17 سنة، وهما اللي بيربوني الصراحة، ولكن أنا ربيتهم بالحنية والصحوبية والصراحة ومش بنمثل على بعض، أنا وصلتهم لمرحلة أنهم يصعب عليهم يزعلوني حتى لو هيجوا على نفسهم شوية، ومش معنى كده إني باجي عليهم.

 - المزيكا دلوقتي فيها حاجات كتير بتحصل وفي شباب كتيرة طالعة حلوة، وأنا شايفة أن ظلم نقارن فترة قديمة بـ دلوقتي كل فترة ليها ذوقها.

تابع مواقعنا