الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أنغام عن تقديم تاريخها بـ ليلة صوت مصر: احترمت اللي عملته لأني أنجزت في 30 سنة

أنغام
فن
أنغام
الأحد 19/مارس/2023 - 12:10 ص

تحدثت الفنانة أنغام، عن حفلها بعنوان ليلة صوت مصر، والذي أُقيم على مسرح أبو بكر سالم بالرياض، وحقق نجاحا كبيرا.

وقالت أنغام، خلال لقائها مع الإعلامي عمرو أديب، على هامش حفلها ليلة صوت مصر: وأنا بعمل العرض ده كان شعور غريب يمكن الواحد بيتسرق وهو ماشي في المشوار والدنيا بتاخدنا والشغل والإنتاج، وبدور على المبدعين طول الوقت وجوا الأستوديو بغني، ده عمري كله، مش قادرة أقول عمري أتسرق بالعكس.

وأضافت أنغام: محسيتش إني عملت كل اللي أنا عايزاه ولكن احترمت اللي أنا عملته لأني أنجزت، العمر اللي عدى ده أكتر من 30 سنة إنجاز، وهقول الحقيقة إني بدأت وأنا عندي 15 سنة، وبدأت أخد فرصة وأنا عندي 16 سنة وغنيت في الركن البعيد الهادي.

كما تحدثت أنغام، عن تحضيرات حفلة ليلة صوت مصر، قائلة: البروفات أساسية في حياتنا وعلشان تطلع الموسيقى متربطة مش كل واحد بمزاجه، بنبقى سامعين بعض وبنطور الأغاني اللي بقالها 25 سنة، والمرة دي مغنيين كتير وفي حاجات متغنتش على المسرح وفي أغاني عملنا ليها صياغة مع الأوركسترا، والمرة دي الأوركسترا كل المستويات الصوتية بتاعة التوريات موجودة.

أنغام: غنيت قصيدة لـ رياض السنباطي وأنا عندي 5 سنين

وأكدت الفنانة أنغام، أنها كانت تتمتع بـ آذان موسيقية منذ صغرها لتأثرها بوالدها الموسيقار محمد علي سليمان، قائلة: وأنا صغيرة أوي كنت بسمع كل أنواع المزيكا، وأنا 5 سنين غنيت قصيدة أشواق للأستاذ رياض السنباطي، حفظتها بدون ما أقصد واتعلمت المغنى العربي على أصوله، ولكن الموسيقى الخليجية لفتت ودني، وبدأت أسمع للأستاذ محمد عبده، والحكاية كلها على بعضها عجباني مع إني مكنتش فاهمة أوي معنى الكلمات.

تابع مواقعنا