رامز جلال ساخرًا من ياسمين عز: رونالدو مين اللي بيتفرج عليكي ده.. رضا عبد العال ميعرفكيش
تحل الآن الإعلامية ياسمين عز ضيفة على برنامج المقالب رامز نيفر إند، للفنان رامز جلال، الذي يعرض عبر قناة Mbc مصر.
وفي بداية الحلقة سخر رامز جلال من الإعلامية ياسمين عز، بسبب ما تقدمه في برنامجها الفترة الماضية، حيث قال: المزة اللي جايلنا اللي جايلنا انهارده عامت عكس التيار، مشيت بمبدأ اتسهتني وهتنجحي، كيدي في السيدات وغيظي هتبقى مشهورة، ومعانا عروسة مولد، أدت شوية نصائح للرجالة، وخانت الستات، وبعدين رونالدو مين اللي يتفرج عليك، رضا عبد العال ميعرفكيش معنا ومعاكوا المزة اللي متسهتنة المذيعة ياسمين عز.
وتابع رامز جلال: ياسمين عز بنت شريرة وأعدائها من الستات كتير وواضح أن فيه غيرة.. ومبروك يا ستات ياسمين هتبقى ذكريات
وقالت ياسمين عز: دي دراسة أي حد خبير أصوات هيعرف الأصوات، لو أي حد بيكلمك تقفلي في وشه أما جوزك يجي.
أحمد السقا في الحلقة الماضية من برنامج رامز نيفر إند
وكان استضاف الفنان رامز جلال في حلقته الماضية ببرنامج رامز نيفر إند الفنان أحمد السقا، وشهدت العديد من أبرز اللقطات ومنها، سخرية رامز جلال من أحمد السقا، قائلًا: معانا النهاردة أحمد السقا فارس الأكشن اللي مش بيقول لأ، اللي صب غضبه دفاعًا عن شرف ليلى علوي، وغيّر مفهوم الأكشن في مصر وغيّر صابونة ركبته ومحرمش، ولازم نوقفه عند حده، ونعرفه إن فتحة الصدر لها حدود، كما سخر من تشجيع أحمد السقا لنادي الزمالك، كما تحدي رامز أحمد السقا، وقام بتناوله.
رامز جلال عن أحمد السقا: بيقول عليكم السلام هو نازل نزلة السمان
وتابع رامز جلال: بيقول عليكم السلام هو نازل نزلة السمان؟ أحمد السقا مش بيتعب وبيشتغل بـ طيارات، وبيسمي قبل ما يدخل المطعم هو داخل على السفرة ولا إيه؟ السقا عامل باب في سرته وبيقول للمذيعة أنا خاسس 12 كيلو أنت بتتقدملها ولا إيه؟ الحقي يا مها، والسقا طالع على المسرح كأنه داخل ياخد جائزة نسل الأغراب.
