أبرز لقطات ياسمين عز في الحلقة 3 من برنامج رامز نيفر إند: خلي الستات تفرح.. ومعنديش صوت صيفي
حلت الإعلامية ياسمين عز ضيفة على برنامج المقالب رامز نيفر إند، الذي يعرض الآن عبر قناة Mbc مصر، وشهدت العديد من أبرز اللقطات.
ونستعرض لكم أبرز لقطات حلقة ياسمين عز في برنامج رامز نيفر إند
وبدأت الحلقة بسخرية من رامز جلال على الإعلامية ياسمين عز، حيث قال لها: المزة اللي جايلنا اللي جايلنا النهاردة عامت عكس التيار، مشيت بمبدأ اتسحتني وهتنجحي هتتشهر، كيدي في السيدات وغيظي هتبقى تريند، ومعانا عروسة مولد، ادت شوية نصائح للرجالة، وخانت الستات، وبعدين رونالدو مين اللي يتفرج عليك، آخرك رضا عبد العال معنا ومعاكم المزة اللي مستهتنة المذيعة ياسمين عز.
وتابع رامز جلال من سخرية لياسمين عز، إذ قال لها: المزة المستهتنة المذيعة صاحبة اللبس الصيفي والصوت الشتوي.
وتراجعت عن قرارها عن أكل السوشي، إذ قالت: مش بحب السوشي، مرة أكلته تعبني أوي، وأكيد هقبل ده الفرعون الياباني.
ورفضت ياسمين عز في البداية الصعود إلى الونش، وسخر منها رامز جلال قائلًا لها: ده هدف البشرية كله، تركبي جمب مين هو ميكروباص، ما تقعي إحنا عايزين كده، الصوت الصيفي طلع، أنا مبسوط ومستلذ طول ما الونش بيهز ياسمين عز.
وكشفت الحلقة عن ثبات ياسمين عز على مبدئها مدافعةً عن الرجال، حيث قالت: الصوت الصيفي، دي دراسة أي حد خبير أصوات هيعرف الأصوات، لو أي حد بيكلمك تقفلي في وشه أما جوزك ييجي، إلا حماتك، وتابعت أثناء مواجهة للثعبان: لا دي حية أنثى مش ذكر.. والله ما عندي صوت صيفي.
وهددت ياسمسن عز رامز جلال، إذ قالت له:لا والله، مش عارفة المقلب أنا عاقلة وست الكل، لا تعليق الرجالة هيقطعوك، الآخرين ذكور مش سيدات وخلي كل الستات تفرح في رمضان.. علشان لما تفرح تعمل لجوزها الفرعون كوباية شاي.
ياسمين عز في برنامج رامز نيفر إند
وكانت الإعلامية ياسمين عز قد علقت على مشاركتها في برنامج رامز نيفر إند لرامز جلال، خلال منشور عبر حسابها الرسمي بموقع التواصل الاجتماعي فيس بوك، قائلة: يا مدام أنا وعدتك إنك هتشوفيني في رمضان ووفيت بوعدي، أرجوكي بعد ما تخلصي شماتة، زي ما أنا فرحتك، تقومي تفرحي فرعونك بكوباية شاي، وطبق قطايف بالمكسرات، وماتحطيش سكر علشان منبع السكر قاعد جنبك، مشاهدة ممتعة يا مدام.
وجاءت مشاركة ياسمين عز في برنامج رامز نيفر إند، بعد أن أعلن الحساب الرسمي عبر موقع التواصل الاجتماعي فيس بوك، حيث قالت: الإعلامية ياسمين عز الضحية الثالثة لـ رامز جلال في رامز نيڤر إند.. انتظروا المفاجأة بعد الإفطار مباشرة على MBC مصر.
أبرز ضيوف برنامج رامز جلال
ومن المقرر أن يحل العديد من أبرز الفنانين والمشاهير ولاعبي كرة القدم ضيوفًا على برنامج رامز جلال رامز نيفر إند، ومن أبرزهم: رضا عبد العال، محمد الغيطي، كهربا، إمام عاشور، مصطفى يونس، رضا عبد العال، محمد فراج، بسنت شوقي، أمير عيد.
